Orheta arkoirisi

¿MÍTISKIRI ambeksï úspi Noe ka imeri familia engaksï uéntapkia arkarhu? Exe dibujurhu, Noe kéjtsïtakua ma úkuxati Tata Diosïni. Úxati i ambe para meiamukua íntskuntani, jimboka kuájchakuaska kʼéri janikuarhu.

¿Nari exesïni, jaiapanhintapi Jeoba ini intsïmperakuani? Jo, jaiapanhintaspti. Jimbosï Jeoba eiakupti Noeni eska nóteru méni kʼamajkupiringa parhakpinini kʼéri janikua ma jingoni.

Echeri sóntku kʼarhindentaspti, ka Noe ka imeri familia ménderuksï uénaspti sési irentani. Tata Diosï újchakuraaspti ka arhiaspti: ‘Jatsiskajtsï para uánini. Paraka iápurhu Parhakpinirhu irekanhaka’.

Peru, engaksï kʼuiripuecha niárapiringa kurhanderani kʼéri janikueri ambe, úpirindiksï chéni ka uandanksï eska jamberi ménderu jupiringa xásï ma janikua. Ísï jimbosï Tata Diosï xarhatapti ma ambe para miátantani kʼuiripuechani eska nóteru méni xásï ma janirapiringia. ¿Mítiskiri ambe úspi paraka miánhantapiringa? Arkoirisi ma xarhataspti.

Ménichani arkoirisi jiájkani xarharasïndi enga janijka ka tsándintani. Indeni arkoirisi jimbo sési jarhati kolorichaksï xarharasïndi. ¿Exeskiri ménisï ma? ¿Exexakiri dibujurhu anapuni?

Tata Diosï uandaspti: ‘Aiachesïngaksïni eskani nóteru méni kʼamajkuauaka kʼuiripuechani ka ni animalichani kʼéri janikua ma jimbo. Peeraxaka nubicharhu juchiti arkoirisini. Enga arkoirisi uéraka, ji exeaka ka miántaka ambe engaksïni aiacheka’.

Ísï jimbo, engari exeaka arkoirisini ma, ¿amberi miánta? Jo, miántakari eska Tata Diosï aiatspeska eska nóteru méni kʼamajkuaka parhakpinini kʼéri janikua ma jimbo.