¿Ambechi uá íntskuni Jeobani?

MA XANHARI, Jesusi uandaspti: “Sánderu sésisti intsïmpini, ka eska intsïmbinhani” (Uku. 20:35). I ambe enga meru ísïka, niárasïndi xarharani juchari pájperakua jimbo engachi jatsika Jeoba jingoni. ¿Andichisï ísï uandajki? Imajtsïni uánikua ambe íntskusti engachi jimbo tsípikua jingoni irekajka, peruchi útasï sánderu tsípikua jingoni irekaka engachi íntskuaka ambe ma Jeobani. ¿Ambechi uá íntskuni? Proverbios 3:9 arhisïndi eskachi kʼéri ambe arhiaka Jeobani juchari jatsikuarhikua ambe jingoni engachi jukaparharajka. I ambe engachi jukaparharajka, jindesti juchari tiempu, ambe engachi jorhenaka úni, uinhapikua ka juchari jatsikuarhikua ambe. Engachi úrajka ambe engachi jatsika para jarhuajpini Tata Diosïri iretarhu, íntskunchi jarhasïnga ambe ma Jeobani ka inde ambejtsïni sési pʼikuastasïndi.

¿Ambejtsïni jarhuataa no mirikurhini íntskuni Jeobani juchari jatsikuarhikua ambe? Apostuli Pablu arhiaspti Korintu anapuechani eskaksï arhutapiringa ambe ma para íntspini paraksï jarhuajpini (1 Kor. 16:2). Engajtsï uéjka sánderu mítini nénajtsï uá úni donasioni ma jima uératini nani engajtsï irekaka, exe je rekuadruni enga kétsekua jaka.

Jarhastiksï paisicha enga no jaka sésikua para tumina axani Interneti jimbo. Peru pájinarhu donate.jw.org jarhasti informasioni enga mámaru xarhatajka néna úni donasioni ma. Máru paisicharhu, ini pájina jimbo jarhasti dokumentu ma enga mókuntajka ambe enga kurhanguarhinhajka donasioniri ambe.