Diosmaiamukuachi arhisïnga Tata Diosï Jeobani uékperakua jimbo engajtsï chá xarhatajka

Tesalonika anapu erachichaksï uékperakua xarhatakuaspti máteru erachichani nájkirukaksï ima mismu kómu nitamakuarhini japka (2Te 1:3, 4). Ini jurhiatikuecha jimbo Tata Diosï Jeobaeri ireta, májkueni xarhatakuasïndi uékperakua máteru erachichani engaksï interu parhakpini jaka. Jorhenguarhikuecha engaksï jw.org jimbo jaka enga arhinhajka “Nénachi úraasïni donasionichani” xarhatachesïndijtsïni na engaksï ima donasionicha engajtsï chá íntspijka, jarhuataajka erachichani ini jurhiatikuecha jimbo enga xáni no sési jánhaskuarhika. Felisitarisïngaksïni chaari uékperakua jimbo ka engajtsï ísï intsïmpitiika.

ENGAJTSÏ EXEAKIA BIDEUNI MÉNTKISÏCHI DIOSMAIAMUKUA ARHISÏNGA TATA “DIOSÏNI CHÁNKSÏNI JIMBO”, MÓKUANTA JE ARINI KURHAMARHIKUECHANI:

• ¿Para ambeksï úrakuarhesïni donasionicha?

• ¿Néna sánderu sési jarhaski íntspini sáni sentabu para jarhuataani juchaari erachichani? (Arhinta je artikuluni “Imeecha engaksï sánderu jatsijka jarhuataasïndiksï imeechani engaksï no xáni jatsikuarheka” enga jw.org jimbo jaka).