¿Eianhpisïnksï Jeobaeri testiguecha kʼumanchikuecharhu paraksï andakuarhini pʼímutantskua?

Nómbe. Juchachi mítiska eskachi no andakuarhiaka pʼímutantskuani eianhpikua jimbo kʼumanchikuecharhu (Efesu 2:8). ¿Andisï nómbe?

Eranhaska je eska achamasï intsïmpiti ma aiatspisïnga íntspini ambakiti regalu ma iáminduechani engaksï niuaka imani lugari ka fecharhu enga ima uandaaka. Engajtsïni ima achamasï xarhatachikia eskachi uáka mintsikani imeri eiatsperakuani, ¿no ísïski eskachi jima japiringa? Ka no solu inde ambe, sino ístuchi aianguapiringa juchari familiarichani ka amiguechani paraksï imajtu aprobecharini. Peru, no nema jukanchaati regalu ma pʼirani nomasi jimboka úska ambe enga achamasï uandaka. Jimboka no nema úsïnga andakuarhini regalu ma.

Májkueni Jeobaeri testiguechachi mintsikasïnga eska Tata Diosï kumpliriuaka imeri eiatsperakuani, íntsaani tsípikua para méntkisï imechani engaksï kurhajchaaka (Roma 6:23). Ka jimbokachi uékasïnga eska máteru kʼuiripuechajtu aprobechariuaka ini sésikuani, jánguarhintasïngachi eianguani. Peru mítiskachi eska úni ini ánchikuarhitani nójtsïni pʼímutantaaka (Roma 1:17; 3:28). Ísïsti, no ma ambe jarhasti engachi uáka úni para jukanchani pʼirani xáni ambakiti regaluni Tata Diosïri. Biblia mísmu uandasïndi: “Imajtsïni pʼímutantasti, no juchari ambarhati úkuechani jimbo engachi uákia, sino jimbokajtsïni pʼamojkuska” (Titu 3:5).