¿Ambeeski alma?

Ambe enga Biblia uandajka

Bibliarhu, uandakua alma ebreu jimbo jindeesti néfesch ka griegu jimbo psykjé. Uandakua enga ebreu jimbo jaka, uaati arhikuekani “ambe ma enga jirejtajka” ka griegu jimbo “tsípiti jarhani”, “kʼuiripu ma”.a Jiájkani, úsïngachi uandani eska alma iámu kʼuiripunisï arhikuekajka, ka no ambe ma engachi incharinisï jataka ka enga seguirini jarhajka irekani enga kuerpu uarhijkia. Ju je exeani máru Biblieri tekstuechani engaksï xarhatajka eska i ambe ísïiska.

• Adáni no intsïnhaaspti alma ma, sánderu sési, niáraspti jindeeni alma ma. Enga Tata Diosï kueraapka Adánini, primeru kʼuiripuni, Biblia uandasïndi: “Acheeti niáraspti tsípiti jarhani” (Génesis 2:7). Jukaparhakuesti míteni eska Adáni no intsïnhaspka alma ma, sánderu sési, niáraspti jindeeni alma ma, enga arhikuekajka, kʼuiripu ma.

• Biblia uandasïndi eska alma ma úsïnga pʼárhini uarhirini ma (Levítico 5:2, Jünemann), tʼireni (Levítico 7:20, Katznelson), ánchikuarhini (Levítico 23:30, Huerin), kánikua anhenchani jarhani kʼuiripeta (Deuteronomio 12:20, Nácar-Colunga, 1974) ka ísï úni eskaksï juramukuecha na uandajka (Romanos 13:1, Reina-Valera, 1909). Solu kʼuiripu ma, iámu imeeri ambe jingoni uaati ini ambe úni.

¿Jindeeski ambe ma enga no uarhijka?

Nómbe. Alma ma uarhisïndi. Uánikua Bibliarhu anapu tekstuechaksï ísï xarhatasïndi. Ju je exeani máru ejempluechani.

• Biblia uandasïndi: “Alma enga pekadu újka, niáraati uarhini” (Ezequiel 18:4, 20).

• Kastigu para israelita ma enga k’éri pekadu ma ueenga, Lei uandasïreendi: “Ima alma jatsisti para uándikunhani” (Éxodo 12:15, 19; 31:14, Reina-Valera, 1909; Levítico 7:20, 21, 27, Biblia de Ferrara). Levítico 19:8 jimbo, La Biblia de las familias católicas májkueni ambe uandasïndi para kastiguni arhikuekani, jimini Levítico 19:8: “Ima alma kʼamakurhiati”.

• Máru Biblieri bersikuluecha uandasïndi “alma uarhiri” para arhikuekani kʼuiripuni ma enga uarhirini jaka (Levítico 21:11, nota; Números 6:6 nota). Nájkirukaksï uánikua Bibliecha tradusirika “kuerpu enga uarhirini jaka” o “kʼuiripu enga uarhirini jaka”, ebreu jimbo enga ueenakuarhu karakuarhika úrasïndi uandakuani néfesch, enga jindeeka, “alma”.

“Alma” ka “tsípikua”

Bibliarhu, alma ístu arhikuekasïndi tsípikua. Por ejemplu, Job 33:22 jimbo uandakua “alma” enga ebreu jimboeka (néfesch) úrakuarhesïndi para “tsípikuani” arhikuekani. Ka ménisï, para arhikuekani nemani enga sáno uarhienga, Biblia uandasïndi eska“alma” peligrurhu jarhaspka (Éxodo 4:19; Jueces 9:17; Filipusʌ 2:30).

Míteni ambe enga arhikuekajka uandakua alma, jarhuatasïndijtsïni parachi sánderu sési kurhanguani máru Biblieri bersikuluechani. Por ejemplu, enga Génesis 35:18 arhijka notarhu eska uarhiitiri ma alma “uérhintaxapka”, o eska na uandajka Torres Amat, eska ima “jurajkuxapkia almani”. I uandakuechaksï arhikuekasïndi eska tsípikua ima uarhiitiri kʼamakurhixapkia. Ísï jimbo, máru Bibliechaksï tradusiristi ini bersikuluni eska ima uarhiiti “últimusï jirejtani japkia” (La Biblia Latinoamérica, 2011).

¿Nani uéraski i jakajkukua eska alma no arhisïnga?

Uánikua relijioni kristianecha engaksï ini ambe jakajkujka, nóksï Bibliarhu jupindaskuarhisïndi; sánderu sési, májkuenksï jakajkusïndi eska ióntki anapu grieguecha. Asta, Diccionario enciclopédico del Cristianismo uandasïndi: “Eska ambe enga uandanhajka eska jindeeska alma jima pʼitakata jarhaska engaksï ióntki anapu grieguecha eratseenga, eska kʼuiripueri ma, táchanksï jarhaska kuerpu (sōma) ka alma (psychḗ) ka eska kuerpu almani úrasïnga. Joperu Biblia, no uandasïndi eska kʼuiripu tsimani ambeeska, sino, eska ma ambejkueska”.

Tata Diosï no uékasïndi eskachi imani ambe jakajkuaka engaksï kʼuiripuecha jorhentpijka, komu eska alma no méni uarhisïnga ka eskachi jeuetaaka imani ambe jingoni enga ima jorhentpijka. Biblia uandasïndi: “Xéparini eskaksïni no nema kʼarhaaka [o enganiarini] mámaru járhati jorhenguechani jimbo ka chkuanderakua ambe jimbo enga no marhuajka, eska ma jindeeka kʼuiripuecheri jorhengua” (Kolosasi 2:8).