JORHENGUARHIKUA 8
Abraani ka Sara kurhajchasïndi Tata Diosïni
Babeli no iauani, jarhaspti máteru ireta enga Uri arhinhaenga. Jima anapu kʼuiripu no kómarhisïrendi Jeobani, sino uánikua máteru diosïchani. Peru ini ireta jimbo, jarhaspti ma achamasï enga Jeobani kómarhienga, Abraani arhinhasïrendi.
Jeoba arhispti Abraanini: “Jurajku chíti kʼumanchikuani ka chíti parientichani ka ní imani echerirhu engakini ji exeraaka”. Tátsekua, Tata Diosï aiakuspti: “Kʼéri nasioniri ma úkuarhiaka. Ka tʼungini jimbo, ambakiti ambe uáka interu parhakpini anapu kʼuiripuni jimbo”.
Abraani no mítispti Jeoba nani uékasïreni axani, peru mintsikasïrendi imani. Abraani; imeri témba Sara; imeri táti Taré, ka imeri sobrinu Loti, kurhajchasptiksï Tata Diosïni. Iámindu ambeksï prepararispti ka uénasptiksï biajini.
Abraani 75 jatirisptia enga ima ka imeri familia, niárapkaksï imani echerirhu enga Jeoba uékaenga eskaksï exepiringa. Kanaani arhinhasïrendi. Jima, Jeoba arini ambe aiakuspti: “Iámu i echeri engari exeni jaka, chíti sapiichani íntsauaka”. Peruksï Abraani ka Sara jatirisptia ka nóksï kánguarhiasïrendi sapiichani. Ísï jimbo, ¿néna kumpliripirini Jeoba ambe enga aiatspipka?
“Abraani Diosïni mintsikaparinisï janhanharhipti imeri uandakuani ka [...] nirani jima enga pʼipiringa erensiani, ka ima uéraspti no sáni mítiparini nani enga niárapiringa” (Ebreu 11:8).