JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Kurhangukua je kʼuiripuechani
Kurhangukuani kʼuiripuechani arhikuekasïndi míteni na engaksï eratsejka, pʼikuarherajka, ambe engaksï jukaparharajka ka uétarhinchani. Ka xarhatasïngachi eskachi kurhangukuasïnga engachi mintsita jingoni uéjka jarhuataani. Engachi kurhangukuaska kʼuiripuechani engachi aianhpini jámani jauaka, xarhatanchi jauaka eskachi juchajtu xénchaasïnga májkueni eska Jeoba ka i ambe úsïndi eskaksï kʼuiripuecha uékaaka míteni Tata Diosï Jeobani (Flp 2:4).
Kurhangukuani kʼuiripuechani no solu jindeesti modu ma parachi jorhentpini. Ístu, xarhatasïngachi eskachi kurhangukuasïnga kʼuiripuechani engachi kurhajchajka, sési uandontskuarhekuajka, juchaari jángua jingoni ka na engachi nínharhini jarhajka, engachi uandanhiajka imeechani jimbo, engachi exejka ambe engaksï tsitijka, jakajkujka ka ambe engaksï nitamakuarhini jarhajka. Ka ístu, xarhatasïngachi eskachi kurhangukuasïnga engachi íntsaajka konseju ka engachi jarhuataajka, joperu no presionaripariani. Sánderuchi tsípikua jingoni aianhpisïnga engaksï kʼuiripuecha uékajka eskachi jarhuatauaka.
ENGAJTSÏ EXEAKIA BIDEUNI TSÍPIKURHITA MÁESTI KʼUIRIPUECHANI JORHENDAANI. JU JE SÁNDERU SÉSI AIANHPINI: JU JE KURHANGUKUANI KʼUIRIPUECHANI, MÓKUANTA JE ARINI KURHAMARHIKUECHANI:
¿Néna xarhataspi Rita eska kurhangukuspka Coralini enga ima ióndapka niárani?
¿Néna xarhataspi Rita eska kurhangukusïrega Coralini enga ima arhipka eska kánikua kuataratixapka ka eska no úpiringa jorhenguarhini?
Engachi xarhatajka eskachi kurhangukuasïnga kʼuiripuechani, imeechaksï uékasïndi míteni Tata Diosï Jeobani.
¿Néna xarhataspi Rita eska kurhangukusïrega Coralini enga ima arhipka eska no xáni organisadespka?