JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Úraa je jarhuajperatechani parajtsï inbestigarini
Tata Diosï Jeobajtsïni uánikua ambe íntskusïndi parachi úni sánderu sési jorhentpini, íntskusïndijtsïni bideuechani, trataduechani, rebistechani, foietuechani, libruechani ka ambe enga sánderu jukaparhakueka, intskusïndijtsïni Bibliani (2Ti 3:16). Ístujtsïni íntskusïndi mámaru ambe parachi úni inbestigarini ka parachi sési aianhpini Bibliani ambe. Ariksï jindeesti máru ambe Watchtower Library, aplikasioni JW Library®, BIBLIOTEKA INTERNETIRHU Watchtower™ ka Jarhuajperata paraksï Jeobaeri testiguecha estudiarini.
Kánikuajtsï tsitiaka exentani jukaparhakua ambe Biblieri indeni xáni kánikua informasioni jimbo engachi jatsika. Jorhendaa je chaari jorhenguarhirichani na engaksï uaaka úraani ini jarhuajperatechani. Ísïksï uaati imajtu tsípikua jingoni exeantani mókuntskuechani engaksï jatsiaaka Biblieri ambe.
ENGAJTSÏ EXEAKIA BIEUNI TSÍPIKUARHITA MÁESTI KʼUIRIPUECHANI JORHENDAANI. JU JE JIÓKUARHINI JEOBAERI JARHUAJPERATA: JU JE ÚRAANI JARHUAJPERATECHANI PARA JIRINHANTANI AMBE MA, MÓKUANTA JE ARINI KURHAMARHIKUECHANI:
¿Ambe uandaspi Corali eska no jakajkusïreenga kueraakateri ambe?
¿Náni jirinhaspi informasioni Rita?
Exentani ka máteruechani aianguani jukaparhakua ambe Biblieri, kánikuajtsïni sési pʼikuastasïndi.
¿Néna exentaspi náki informasioni sánderu marhuakupirini Coralini?
¿Néna jarhuataspi Ritani enga úrapka jarhuajperatechani para inbestigarini?