KRISTIANUECHEERI IREKUA
“Uaakajtsï arhutani na engajtsï xáni uaaka”
Nóchi jatsipiringa para jiántku íntspini donasioni méni engachi miáuaka. Sánderu sési, ísï eska apostoli Pablu na uandapka, uaakajtsï tʼuini arhutania “na engajtsï xáni uaaka” (1Ko 16:2). Engachi ísï úska, jarhuatanchi jauaka Tata Diosïiri kúnguarhikuani ka inde ambe uaati eskachi sési pʼikuarheraaka. Jamberichi eratsejka eska ambe engachi íntspijka sántku ambeeska, peru Tata Diosï Jeoba kánikua sési pʼikuarherasïndi enga exejka eskachi jánguarhintasïnga íntspini na engachi xáni újka para imani kʼéri ambe arhini (Pr 3:9).
ENGAJTSÏ EXEAKIA BIDEUNI DIOSMAIAMU JE ENGAJTSÏ ARHUTAJKA SÁNI, MÓKUANTA JE ARINI KURHAMARHIKUECHANI:
¿Andisï sési jaki eskachi tʼuini eratseakia na engachi xáni uaaka íntspini?
¿Ambeksï úski máru erachiicha paraksï tʼuini arhutania na engaksï xáni úpiringa íntspini?