JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Jorhendaa je chaari jorhenguarhirichani paraksï imeecha mismu jorhenguarhini Jeobaeri ambe
Parakaksï jorhenguarhiricha sési míteaka Tata Diosï Jeobani ka niáranksï ambakiti kristianueni, nóksï jatsisti para imajku ambe míteni engaksï ueenakuarhu jorhenguarhika Biblieri ambe (Mt 5:3, TNM; Eb 5:12–6:2). Jatsistiksï para jandiajku jorhenguarhini Jeobaeri ambe.
Desdekaksï ueenaaka jorhenguarhini Bibliani, jorhendaa je chaari jorhenguarhirichani paraksï prepararikuarhini para jiáni engajtsï niuaka jorhendaani ka arhia je eskaksï ísï uaaka (mwb18.03 6). Arhia je andisï xáni jukaparhakue kómarhikua jingoni ueenani engaksï Biblieri ambe jorhenguarhiaka. Jarhuataa je parakaksï úraaka imani ambe engachi xáni jatsika elektroniku jimbo parachi jorhenguarhini Bibliani ka paraksï méntkisï exeni jarhani ambe enga karhatanhajka jw.org ka ístu JW Broadcasting®. Sánhani arhini, pʼinderaa je paraksï pauani pauani arhintani Bibliani, prepararikuarhini para tánguarhikuecha ka paraksï úni exeantani mókuntskuechani ima kurhamarhikuecheri engaksï ima úkuarhiajka. Jarhuataa je eskaksï méntkisï eratsentaaka ambe engaksï jorhenguarhini jaka.
ENGAJTSÏ EXEAKIA BIDEUNI JU JE JARHUATAANI JORHENGUARHIRICHANI PARAKSÏ IMEECHA MISMU JORHENGUARHINI JEOBAERI AMBE, MÓKUANTA JE ARINI KURHAMARHIKUECHANI:
¿Néna jarhuataspi Rita Coralini paraka kurhangupiringa eska jorhenguarhini Bibliani no nomasi jindeeska mókuantani kurhamarhikuechani?
¿Ambe jarhuataspi Coralini para jiókuarhini eska sési jarhaska enga Tata Diosï Jeoba uandajka eskachi no jámaaka ísku jándikua ambe niátani?
Jorhendaa je chaari jorhenguarhirichani parakaksï kurhanguaka ambeeski jorhenguarhini ka néna ísï úni eskaksï na jorhenguarhini jaka.
¿Ambe kurhanguspi Corali eska jindeeska eratsentani?