KRISTIANUECHEERI IREKUA
Jánguarhinta je míteni na enga exejka Tata Diosï Jeoba ambe ma
Juchachi uékasïnga eska Tata Diosï Jeoba tsípini pʼikuarheraaka juchantsïni jingoni, ísï jimbochisï jatsika para ima ambe erakuni úni enga ima jaiapanhentajka, asta jiáni jamberi enga no jauaka juramukua ma enga meru uandaaka ambe engachi jatsika para úni (Pr 27:11). ¿Nénachi uaa ísï úni?
Pauani pauani jorhenguarhini Biblieri ambe. Méni engachi arhintajka Bibliani ísïisïndi enajkichi Tata Diosï Jeobani jingoni japirini. Exeni na enga Tata Diosï kámaka imeeri iretani ka eratsentani ambakiti ka no ambakiti ejempluechani ima kʼuiripuecheeri enga Biblia uandaajka, jarhuataatijtsïni míteni na enga eratsejka Tata Diosï Jeoba. Ísï, engachi erakuni jámaaka úni ambe ma, espiritu santujtsïni jarhuataati miántani ambe engachi jorhenguarhika ima kʼuiripuecheeri ambe ka ístu prinsipiuechani engachi jorhenguarhiaka Tata Diosïiri Karakatarhu (Jn 14:26).
Inbestigarini. Ante dejtsï erakuni úni ambe ma, kurhamarhikuarhi je: “¿Náki Biblieri bersikuluecha o relatuechajtsïni uaa jarhuatani míteni na enga exejka Tata Diosï Jeoba indeni ambe?”. Kurhaku je Tata Diosï Jeobani eskaksïni jarhuataka ka úraa je erramienteechani engaksï chaari idioma jimbo jaka parajtsï exeantani Biblieri prinsipiuechani engajtsï uétarhinchaani jauaka ka parajtsï úni kurhajchaani (Sl 25:4).
ENGAJTSÏ EXEAKIA BIDEUNI JATSISKACHI PARA “TEKANTSKUA JINGONI UIRIANI”. JU JE IMANI AMBE TʼIRENI ENGAJTSÏNI MARHUACHIAKA, MÓKUANTA JE ARINI KURHAMARHIKUECHANI:
¿Náki tsʼéjkukuechani jatsiaspi uátsï enga bideurhu uérajka?
¿Nénaksïni uaa jarhuatani erramienteecha engachi úraajka para jorhenguarhini orhepani uérakuani inde járhati tsʼéjkukuechani?
¿Nénajtsïni marhuachesïni jorhenguarhini ka inbestigarini ante de erakuni úni ambe ma? (Eb 5:13, 14).