Marhuakuni Tata Diosï Jeobani xáni eskachi xáni uaaka úsïndi eskachi tsípini pʼikuarheraaka

1. ¿Ambe úsïni eskachi sési pʼikuarheraaka?

TATA DIOSÏ JEOBA uékasïndi eskachi tsípini pʼikuarheraaka. Ka i ambe ísïisti, jimboka imeeri espiritu santu úsïnga eskachi tsípini pʼikuarheraaka (Gal. 5:22). Ka jimboka ma sánderu sési pʼikuarherasïnga enga intsïmpijka ka enga intsïmbinhajka, kánikuachi sési pʼikuarherasïnga engachi uánikua ambe jatsijka para úni aianhpikuarhu ka engachi jarhuataajka erachichani (Uku. 20:35).

2, 3. a) Míteparini ambe enga uandajka Galasia 6:4, ¿ambejtsïni jarhuataa parachi seguirini tsípikua jingoni aianhpini? b) ¿Ambechi exeni jaua ini jorhenguarhikua jimbo?

² ¿Ambejtsïni jarhuataa parachi seguirini tsípini pʼikuarherani? Apostoli Pablu tsimani ambe uandaspti eskajtsïni uaaka jarhuatani, ka Galasia 6:4 jimbo jarhasti (arhinta je). Orheta, eskachi tsípini pʼikuarheraaka engachi sánderu ambakiti ambe íntskuska Tata Diosï Jeobani. Ka iáminduechachi uaaka ísï úni (Mat. 22:36-38). Segundu, eskachi no jámaaka terukukuarhintani máteruecha jingoni. Engachi no pʼamenchani jaka, jorhendanhanchi úni ambe ma o engachi jorhenaka sési úni ambe ma, ju je diosmaiamukua arhini Tata Diosï Jeobani jimboka imajtsïnisï íntskujka indeni ambe. Joperu engaksï máteru erachicha sánderu sési aianhpijka, ju je sési pʼikuarherani jimbokaksï úraxaka ambe engaksï jorhenaka úni paraksï Tata Diosï Jeobani kʼéri ambe arhini, no paraksï kʼéramakuarhini o paraksï imeecha sési uéranchani. Enbesi de imeecha jingoni andaperani jámani, ju je exeni ambe engachi uaaka jorhenguarhini imeecheri ambe.

³ Ini jorhenguarhikua jimbo, exeni jauakachi ambe engajtsïni uaaka jarhuatani parachi no jámani chkétakuarhini engachi eratseaka eskachi no úsïnga xáni marhuakuni Tata Diosïni eskachi xáni uékapiringa. Ístuchi exeni jauaka na engachi uaaka úrani ambe engachi jorhenaka úni ka ambe engachi uaaka jorhenguarhini máteruecheri ambe.

ENGACHI ERATSEJKA ESKACHI NO ÚSÏNGA MARHUANI XÁNI ESKACHI XÁNI UÉKAPIRINGA

4. ¿Ambejtsïni úpirini no sési pʼikuastani? Uandanta je Caroliri ejempluni.

⁴ Máru erachichaksï no sési pʼikuarherasïndi jimbokaksï jatiriskia oksï pʼamenchani jarhani ka nóteruksï úsïndia marhuakuni Tata Diosï Jeobani xáni eskaksï xáni uékapiringa. Ini ambe úkuarhinchaspti pirenchi ma enga Carol arhinhajka, pirenchi jima marhuaspti ma tiempu nani engaksï aianhpiricha uétarhini japka. Niáraspti 35 kʼuiripuechani jorhendaani Biblieri ambe ka uánikuechani jarhuataaspti paraksï aiakukuarheni Tata Diosï Jeobani ka itsï atakuarhini. ¡Kánikua sési nikuspti! Peru tátsekua pʼamenchaspti ka nóteru úsïrendia xáni uérani imeo. Ima uandantasïndi: “Míteska eska juchiiti pʼamenchakua jimbo nóteruni úsïngia úni ambe engaksï máteruecha újka, joperuni ísï pʼikuarherasïnga enajki nóteruni xáni sési marhuani jakia eska imeecha. Méntkuni eratseni jarhasïnga ambe engani uékapiringa úni ka ambe engantkuni újka úni ka inde amberini no sési pʼikuastasïndi”. Carol uékasïndi marhuakuni Tata Diosï Jeobani xáni eska xáni uaaka ka inde ambe kánikua sési jarhasti. Uaakachi seguru jarhani eska Tata Diosï enga xáni pʼamojpitiika, kánikua jukaparharasïnga ambe enga pirenchi uéjka úni.

5. a) ¿Ambechi jatsiski para miántani engachi no sési pʼikuarherani jauaka jimbokachi no úsïnga úni xáni eskachi xáni uékapiringa? b) ¿Néna seguirixaki sési marhuakuni Tata Diosï Jeobani erachi enga imajenicharhu xarharajka ini jorhenguarhikua jimbo?

⁵ Engachi no sési pʼikuarherajka jimbokachi no úsïnga úni xáni eskachi xáni uékapiringa, ju je kurhamarhikuarhini: “¿Ambe erokuarhisïni Tata Diosï Jeoba eskani uaaka?”. Erokuarhisïndi eskachi marhuakuaka na engachi xáni uaaka. Eratsenta je arini ejempluni. Pirenchi ma enga 80 jatirika, no sési pʼikuarherasïndi jimboka nóteru úsïngia xáni aianhpini eska jiáni enga 40 jatiripka. Eratsesïndi eska nájkiruka jánguarhintani jaka marhuakuni Tata Diosï Jeobani eska xáni uaaka, ima no konformi jarhaska. Peru, ¿ísïiski? Ju je exeni. Enga i pirenchi sési marhuakupka Tata Diosï Jeobani enga 40 jatiripka ka májkueni úni jarhani iásï enga 80 jatirikia, jiájkani seguirixati sési marhuakuni. Engachi ueenaaka eratseni eska Tata Diosï Jeoba no jaiapanhentasïnga ambe engachi újka para marhuakuni, ju je miáni eska imasï uandajka sini jaiapanhentasïni o nómbe. Engachi jánguarhintaska sési marhuakuni Tata Diosïni imajtsïni arhiati: “Sési jarhasti” (terukutanta je Mateu 25:20-23 jingoni).

6. ¿Ambejtsïni jorhendasïni Maríeri ejemplu?

⁶ Ambe engajtsïni jarhuataaka seguirini sési pʼikuarherani, jindeesti exeni ambe engachi uaaka úni ka no imani ambe engachi no uaaka úni. Ju je exeni ambe enga úkuarhinchapka María, pirenchi ma enga imeeri pʼamenchakua jimbo no újka xáni aianhpini. Ueenani, kómu pʼikuarherasïreendi ka eratsesïreendi eska no ma ambe jukaparhakuespka. Joperu tátsekua kuenta íntskukuarhespti eska jarhaspka pirenchi ma kúnguarhikuarhu enga imeeri pʼamenchakua jimbo no uénga jauarani. Ísï jimbo, exespti na enga úpiringa jarhuatani. María uandantasïndi: “Arhutaspka tiempu parani nirani imeo parachi telefonu jimbo aianhpini ka karta jimbo. Méntkisï sési pʼikuarheraparini kʼuanhatsentasïreenga juchiniu jimbokani úsïreenga jarhuatani juchiiti pirenchini”. Juchajtuchi uaaka sési pʼikuarherani engachi imani ambe úska engachi uaaka úni. Joperu, ¿ambechi uaa úni engachi jucha sési jorhenaka úni ambe ma, o engachi uaaka sánderu marhuakuni Tata Diosïni?

ENGAJTSÏ JORHENAKA ÚNI AMBE MA, ÚRA JE

7. ¿Náki ambakiti konseju íntskuaspi apostoli Pedru kristianuechani?

⁷ Primeru kartarhu enga apostoli Pedru karapka Tata Diosïri jarhuajperata jimbo, arhiaspti erachichani eskaksï úrapiringa ambe engaksï jorhenapka úni paraksï máteru kristianuechani jarhuataani. Karaspti: “Nákinterku ma intsïmperakua engaksïni [Tata] Diosï íntskuaka, úra je para iáminduechani jarhuataani komueska ambarhati jántspiricha engaksï sési etsakujka [Tata] Diosïri kóntperatani” (1 Ped. 4:10). Nóchi jatsipiringa para pʼíngukuarhini ka nóchi úrani ambe engachi xáni jorhenaka eratseparini eskaksï máteruecha enbidia pʼikuarheraaka o eskaksï no sési pʼikuarheraaka. Engachi ísï eratseska nóchi marhuakuni japiringa Tata Diosï Jeobani xáni eskachi xáni uaaka.

8. Eska na arhijka 1 Korintu 4:6, 7, ¿andichisï no jatsi para arhikuarhini imani ambe jimbo engachi jorhenaka úni?

⁸ Ísïisti eskachi jatsiska para úrani ambe engachi jorhenaka úni xáni eskachi xáni uaaka, joperu ju je jingontku jarhani parachi no jámani arhikuarhini (arhinta je 1 Korintu 4:6, 7). Pori ejemplu, jamberijtsï chá no úkua jukanchajka ueenani nemani Biblieri ambe jorhendani. ¡Seguiri je ísï úni! Peru asï jáma je arhikuarhini. Eranhaska je eskaksïni kánikua sési nicheska aianhpikuarhu ka eskajtsï ueenaska nemani jorhendani Biblieri ambe. Ísï jimbo, uékaxakajtsïa aianguani imeechani engaksï uéraka aianhpini ambe engajtsï úpka parajtsï ueenani Biblieri jorhenguarhikua ma. Peru engajtsï erechicha jingoni jarhajkia, kurhaasïngajtsï eska pirenchi ma uandantaxaka eska úska íntskuni kʼuiripuni ma rebista ma. Jo rebista, joperujtsï chá ueenaska jorhendani nemani Biblieri ambe. ¿Ambejtsï uaa? Chájtsï míteska eska na engaksïni nicheka, uaaka uinhaperantaani erachichani, peru jamberijtsï eratsejka máteru jimbo uandantani parajtsï no no sési pʼikuastani pirenchini. Ísï úparini xarhatasïngajtsï eskajtsï sési kámpisïnga. Joperu, seguiri je pʼímarhiani k’uiripuechani paraksï jorhenguarhini Biblieri ambe. Chájtsï úsïnga indeni ambe úni.

9. ¿Nénachi jatsiski para úrani ambe engachi jorhenaka úni?

⁹ Ju je miáni eska ambe engachi jorhenaka úni, Tata Diosïni jimboeska. Ísï jimbo, ju je úrani para kúnguarhikuani uinhaperantani ka no parachi jucha arhikuarhini (Filip. 2:3). Engachi úrajka juchaari uinhapikuani ka ambe engachi jorhenaka úni parachi úni ambe enga Tata Diosï uéjka, jatsisïngachi ambe ma engachi jimbo uaaka tsípini pʼikuarherani. ¿Andi? Jimbokachi úrani jarhasïnga ambe engachi xáni jatsika parachi kʼéri ambe arhini Tata Diosï Jeobani, no parachi ísï pʼikuastaani máteruechani eskachi jucha sánderu kʼéri ambeeska.

10. ¿Andisï no sési jaki máteruecha jingoni terukukuarhintani?

¹⁰ Engachi no jingontku jámaska, úpiringachi terukutantani ambe engachi jucha újka úni, imani ambe jingoni engaksï máteruecha no újka sési úni. Pori ejemplu, jamberi erachi ma ambakiti arhijtsïkperatechani nitamataraajti. Sési úsïndi indeni ambe. Peru úpirindi imeeri mintsitarhu sánderu kʼéri pʼikuarherani eska erachi ma enga úkua jukanchajka nitamataraani arhijtsïkperatechani. Joperu jamberi i erachi sánderu sési újti máteru ambe, komu pʼímarhiani erachichani imeo, sési kʼuiriperaani uájpeechani o tsípikua jingoni aianhpini. Kánikuachi agradesidu jarhaska engaksï xáni uánikua erachicha ka pirenchicha jaka engaksï úrani jaka ambe engaksï jorhenaka úni paraksï marhuakuni Tata Diosï Jeobani ka ístu paraksï jarhuataani máteruechani.

JU JE JORHENGUARHINI MÁTERUECHERI AMBE

11. ¿Andichisï jatsi para jánguarhintani ísï jámani eska Jesúsi?

¹¹ Nájkiruka no sési jaka máteruecha jingoni terukukuarhintani, kánikuachi jorhenguarhisïnga engachi exejka na engaksï máteruecha marhuakujka Tata Diosï Jeobani. Ju je eratsentani Jesúsini enga jindeeka juchaari sánderu kʼéri ejemplu. Nájkirukachi jucha no perfektueka ísï eska ima, úsïngachi jorhenguarhini imeeri ambe ka imeeri sési járhati kualidadicheri (1 Ped. 2:21). Engachi jánguarhintaaka xáni eskachi xáni uaaka parachi májkueni jámani eska Jesúsi, sánderuchi sési marhuakuaka Tata Diosï Jeobani ka sánderujtsïni sési nicheati aianhpikuarhu.

12, 13. ¿Ambechi jorhenguarhisïni rei Dabidiri ambe?

¹² Biblia uánikua achamasïcheri ka nanakecheri uandasïndi engaksï ambakiti ejempluecheka para jucha nájkirukaksï no perfektuepka (Ebr. 6:12). Pori ejemplu, rei Dabidi. Tata Diosï Jeoba i ambe uandaspti imeeri ambe: “Ji exentaska ma acheetini enga juchiiti mintsita jaiapanhentajka” (Uku. 13:22). Peru Dabidi no perfektuespti ka uánikua ambe no sési úspti. Joperujtsïni ambakiti ejemplu ma jurajkuchesti. ¿Andi? Jimboka engaksï jurhimberantapka, ima no jámaspti kuájpikuarhini. Sánderu sési, jiókuarhispti ka mintsita jingoni móantaspti imani ambe jimbo enga úpka ka jimbosï Tata Diosï Jeoba puákuntapti (Sal. 51:3, 4, 10-12).

¹³ Dabidiri ejemplujtsïni uaati kánikua jarhuatani engachi arini ambe kurhamarhikuarhiska: “¿Ambe úsïni engareni nema konseju ma íntskujka? ¿Jiókuarhisïni eskani no sési úska, o kuájpikuarhisïni? ¿Jirejiresï máteruechani kulpariuasïni? ¿Jánguarhintasïni parani nóteru no sési úni?”. Ístu engachi jorhenguarhini jauaka ima achamasïcheri o nanakecheri enga Biblia uandaajka ka engaksï sési marhuakupka Tata Diosïni, ju je ini ambe kurhamarhikuarhini: ¿Májkueni járhati uandanhiatechanksï jatsiaspi eska jucha? ¿Náki kualidadichanksï xarhataaspi? Engachi jorhenguarhini jauaka imeecheri ambe ju je eratsentani: “¿Néna uaa májkueni úni eska i kʼuiripu enga xáni sési marhuakupka Tata Diosï Jeobani?”.

14. ¿Nénajtsïni jarhuatasïni engachi exejka máteru erachicheri ejempluni?

¹⁴ Ístu jarhasti uánikua ambe engachi uaaka jorhenguarhini erachicheri ambe nájkirukaksï sapichku jauaka oksï jatirinia. Jamberi juchaari kúnguarhikuarhu jati erachi ma enga uandanhiatechani jatsiaka máteru tumbiicha jimbo, familia jimbo o pʼamenchakua ambe jimbo. ¿Náki kualidadichani xarhataaxaki inde erachi engachi juchajtu úpiringa xarhataani? Engachi exeska imeeri ambakiti ejempluni, uánikua ambe jimbojtsïni jarhuataati parachi úni orhepani uérakuani uandanhiatechani. ¡Kánikuachi jukaparharasïnga erachicheri ejempluni engaksï sési marhuakuni jaka Tata Diosïni! Inde ambe úsïndi eskachi kánikua sési pʼikuarheraaka (Ebr. 13:7; Sant. 1:2, 3).

JU JE TSÍPIKUA JINGONI MARHUAKUNI TATA DIOSÏ JEOBANI

15. ¿Náki apostoli Pablueri konsejujtsïni jarhuatasïni parachi seguirini tsípikua jingoni marhuakuni Tata Diosï Jeobani?

¹⁵ Engachi marhuakuska Tata Diosï Jeobani xáni eskachi xáni uaaka, uaakachi eska kúnguarhikua májku kʼéri jauaka ka eska sési pájperanhaaka. Indeni ambeksïsï úpti primeru siglurhu anapu kristianuecha. Imeechaksï táchani jásï ambe jorhenaspti úni ka táchani járhati ánchikuarhitechanksï jatsiaspti (1 Kor. 12:4, 7-11). Joperuksï imeecha no jámaspti andaperani niksï arhukurhitini japi indeni ambe jimbo. Sánderu sési, Pablu uandaspti imani karta jimbo enga Éfesu anapuechani karakuapka, eskaksï mándani arhini jánguarhintapiringa paraka ʻKristueri kuerpu sési jimbo uiuinhasïʼ japiringa. Ka ístu uandaspti: Enga “mándani kuerpurhu anapu ambe pʼirajka uinhapikua para kʼuiripeni eska xáni uétarhijka, [...] ísï interu kuerpu kʼuiripe[sïndi] uékperakua jingoni” (Efes. 4:1-3, 11, 12, 16). Engaksï ísï úpka, kúnguarhikua májku k’eri jarhaspti ka sésiksï pájperasïreendi, ísï eskachi na exejka iásï kúnguarhikuecharhu.

16. ¿Ambejtsï jatsiski para jánguarhintani úni? (Ebreu 6:10).

¹⁶ Jánguarhinta je no terukukuarhintani máteruecha jingoni. Sánderu sési, jánguarhinta je májkueni jámani eska Jesúsi ka xarhatani imeeri kualidadichani. Jorhenguarhi je ióntki anapu ambakiti ejempluecheri ka ístu iásï anapuecheri. Seguiri je marhuakuni Tata Diosï Jeobani xáni eskajtsï xáni uaaka, míteparini eska ima “jurhimbitku úsïnga” ambe ma, ima no “mirikurhiauati chaari úkuechani” (arhinta je Ebreu 6:10). Seguiri je tsípikua jingoni marhuakuni Tata Diosï Jeobani, mintsikaparini eska ima jukaparharasïnga engajtsï chá jánguarhintajka parajtsï imani jaiapanherantani.