Chájtsï uaaka tekaantani engajtsï no sési kánhani jauaka

Iáiasï o sánderu orhepatini kʼuiripu uékaati eskachi nóteru marhuakuakia Tata Diosïni o jamberichi niáraaka no sési kánhani. ¿Jatsipirinchi para chéni ini ambe jimbo?

1. ¿Andijtsïnisï no ísku pakatajki míteni eskachi no sési kánhaaka?

Biblia sésimindu uandasïndi “iáminduecha engaksï uékajka irekani eska [Tata] Diosï na jaiapanhintajka, Kristu Jesúsini jimbo, no sési kánhaatiksï” (2 Timoteo 3:12). Jesúsinksï no sési kámaspti jimboka ima no kuenta úkuarhisïreenga Satanasiri parhakpini jingoni. Ka juchajtuchi májkueniska, jimbojtsïnisï no sési kámajti juramuticha ka ístu relijionicha (Juanu 15:18, 19).

2. ¿Nénachi uaa prepararikuarhini para jiáni engachi no sési kánhani jauaka?

Jatsiskachi para jánguarhintani iásï sánderu mintsinharhini Tata Diosï Jeobani. ¿Nénachi uaa ini ambe? Arhutaparini tiempu pauani pauani parachi kómarhini ka arhintani imeeri Karakatani. Ka ístu, no méni kueratani tánguarhikuecharhu. Iámindu i ambeksïni jarhuataati parajtsï úni orhepani uérani jiáni engajtsï no sési kánhani jauaka, nájkiruka ima engaksïni no sési kámani jauaka jindeuaka chaari familia. Apostoli Pablu enga mémindu no sési kánhapka, karaspti: “[Tata] Diosï jindeesti juchiiti jarhuajpiri, ísï jimbo ji no sáni chéaka” (Ebreu 13:6).

Máteru ambe engaksïni jarhuataaka parajtsï no chéni, jindeesti uérani aianhpini iásï. Aianhpikuaksïni jarhuataati parajtsï mintsinharhini Jeobani ka parajtsï no chérhini kʼuiripuni (Proverbios 29:25). Engajtsï chá iásï no chéaka, preparadujtsï jauaka para jiáni engaksï juramuticha uékaaka eskachi nóteru aianhpiakia (1 Tesalonika 2:2).

3. ¿Nénajtsïni marhuachesïni tekaantani engachi no sési kánhani jarhajka?

Ísïisti, nóchi tsitisïnga eskajtsïni no sési kámaaka. Peru engachi tekaantajka, sánderuchi mintsinharhisïnga Tata Diosï Jeobani. Ístuchi sánderu andarhierasïnga Tata Diosï Jeobani, jimbokachi exesïnga na engajtsïni ima jarhuatajka, jiáni engachi jucha eratsejka eskachi nóteru uaakia (arhinta je Santiagu 1:2-4). Jeoba no sési pʼikuarherasïndi enga exejka eskachi kómu nitamakuarhisïnga, peru sési pʼikuarherasïndi enga exejka eskachi no kuatantasïnga. Biblia uandasïndi: “Engajtsï sési jámaska ka ísï jimbojtsï no sési kánhani ka tekaantantsï, indeni k’oru meru jaiapanhentasïndi [Tata] Diosï” (1 Pedru 2:20). Iámindu imeecha engaksï tekaantaaka ka engaksï no méni jurajkuaka Tata Diosïni, ima íntsauati tsípikua para méntkisï parhakpini ma jimbo engaksï nóteru jauakia imeecha engaksï no tsitijka Tata Diosï Jeobaeri ambe (Mateu 24:13).

JORHENGUARHI JE SÁNDERU AMBE

4. Chájtsï uaaka orhepani uérani engaksïni chaari familia no sési kámaaka

Jesúsi sésimindu uandaspti eskaksï máru juchaari familiaricha no tsitipiringa engachi jucha marhuakupiringa Tata Diosï Jeobani. Arhinta je Mateu 10:34-36 ka uandontskuarhi je íri ambe:

• Enga nema erakujka marhuakuni Jeobani, ¿ambe úpirini úni imeeri familia?

BIDEU: Jeoba jindesti engajtsïni kuidarini jaka (5:13)

• ¿Ambejtsï úpirini enga chaari familiari ma o amigu ma uékapiringa úni parajtsï nóteru marhuakunia Jeobani?

Arhinta je Salmo 27:10 ka Markusʌ 10:29, 30. Engajtsï na arhintaakia mándani tekstu, uandontskuarhi je íri ambe:

• ¿Nénaksïni uaa jarhuatani ambe engaksï i tekstuecha uandajka parajtsï orhepani uérani engaksïni chaari familiari ma o amigu ma no sési kámaaka?

5. Engajtsï no sési kánhani jauaka, eska inde ambe no uaaka eskajtsï jurajkuaka Jeobani

BIDEU: Nóksï sáni chéspti engaksï no sési kánhani japka (6:27)

• ¿Ambeksïni uinhaperantaski bideueri parajtsï no chéni?

Arhinta je Ukuecha 5:27-29 ka Ebreu 10:24, 25. Engajtsï na arhintaakia mándani tekstu, uandontskuarhi je íri ambe:

• ¿Andisï xáni jukaparhakue eskachi seguiriuaka marhuakuni Tata Diosï Jeobani nájkirukaksï juramuticha uandaaka eskachi nóteru aianhpiakia o eskachi nóteru tánguarhiakia?

6. Jeobaksïni jarhuataati parajtsï tekaantani

BIDEU: Jeobarini uinhaperantaati (3:40)

• ¿Ambe jarhuataaski ini Testiguechani paraksï úni tekaantani engaksï no sési kánhani japka?

Arhinta je Roma 8:35 ka 37-39, ka ístu Filipusʌ 4:13. Tátsekua engajtsï na arhintaakia mándani tekstu, uandontskuarhi je íri ambe:

• ¿Nénaksïni xarhatachesïni i tekstu eskajtsï uaaka tekaantani na uéjki jásï tsʼéjkukua ma?

Arhinta je Mateu 5:10-12 ka uandontskuarhi je íri ambe:

• ¿Nénajtsï míteski eskajtsï uaaka tsípikua jingoni irekani nájkirukajtsï no sési kánhani jauaka?

AMBE ENGACHI JORHENGUARHIKA

Jeoba kánikua jukaparharasïndi engachi jucha jánguarhintajka marhuakuni nájkirukachi no sési kánhani jauaka. ¡Imeeri jarhuajperata jingonchi uaaka tekaantani!

Ambejtsï jorhenguarhiski

• ¿Andijtsïnisï no jatsi para ísku pakatani míteni eskachi kristianuecha no sési kánhaaka?

• ¿Nénajtsï uaa iásï prepararikuarhini para jiáni engajtsï no sési kánhani jauaka?

• ¿Andijtsïsï újki seguru jarhani eskajtsï uaaka marhuakuni Jeobani ambe uéjki úkuarhini?

ÍSTU EXE JE INI AMBE

Exe je na enga Jeoba jarhuatapka tumbini ma enga ónhakata japka para no nema jingoni úkuarhini.

Ju je tekaantani nájkirukachi no sési kánhani jauaka (2:34)

Jorhenguarhi je ambe jarhuataspi temungurhirini ma para seguirini marhuakuni Jeobani, nájkiruka no sési kánhani japka.

Marhuakuskachi Jeobani nájkirukachi no sési nitamakuarhini japka (7:11)

Jorhenguarhi je néna no chéni engajtsï no sési kánhani jauaka.

“Ju je prepararikuarhini iásï engachi niáraaka no sési kánhani” (Aianhpiri, juliu de 2019)

¿Ambechi jatsiski para míteni engajtsïni juchaari familia no sési kámani jauaka? ¿Ka nénachi uaa no ikiani ka no jurajkuni Jeobani?

“Jurhimbikua no juásïndi ‘pínandikua, sino espada’” (Aianhpiri, oktubri de 2017)