¿Néski Tata Diosï?

Uánikua kʼuiripuechaksï uandasïndi eskaksï jakajkusïnga Tata Diosïni, peru engaksï kurhamarhinhajka néski ima, nóksï iáminduecha májkueni mókuntasïndi. Máruksï jakajkusïndi eska Tata Diosï juesi máeska enga tsitijka kʼuiripuechani kastigariuani imecheri pekaduecha jimbo. Máteruechaksï uandasïndi eska uékpesïnga ka eska ambe uéjki engachi uáka, méntkisïjtsïni puáchintasïnga. Ka máteruechaksï uandasïndi eska jukari iauani jarhaska enga no pendienti pájka kʼuiripuni jimbo. Mítiparini eska mámaru ambe uandanhasïnga, jamberiksï uánikua eratsijti eska ma no méni uáka Tata Diosïni mítini.

¿Uétarhisïni mítini Tata Diosïni? Jo. Mítini Tata Diosïni uáti eskajtsï kurhanguaka andijtsïsï irekani jaki (Ukuecha 17:26-28). Engajtsï sánderu andarhieraka Tata Diosïni, sánderuksïni xénchaati ka sánderuksïni jarhuataati (Santiagu 4:8). Engajtsï niáraaka sési mítini Tata Diosïni, uákajtsï irekani para méntkisï (Juanu 17:3).

¿Nénajtsï uá mítini Tata Diosïni? Eratsi je nemani engajtsï sési mítika, ambakiti amiguni ma. ¿Nénajtsï niáraski xáni sési pájperani? Seguru eskajtsï orheta imeri nombri mítipka ka tátsekua máteru ambe, komu na enga jásï kʼuiripu máeka, ambe enga tsitijka ka ambe nómbe, ambe enga úkia ka ambe enga eratsitini japka úni. Indeni ambe mítini, úspti eskajtsï sánderu sési pájperapiringa.

Májkueni, chájtsï uáka mítini Tata Diosïni, mókuantaparini arini kurhamarhikuechani:

• ¿NA ARHINHASÏNI TATA DIOSÏ?

• ¿NA JÁSÏSKI IMA?

• ¿AMBE XÁNI ÚSKIA?

• ¿AMBE UÁ?

• ¿NÉNAKSÏNI MARHUACHISÏNI MÍTINI TATA DIOSÏNI?

I rebista úkata jarhasti parajtsï cha mítini na enga Biblia mókuantajka indeni kurhamarhikuechani. Artikuluecha engaksï exekuarhini jauaka, jarhuatatiksïni mítini néski Tata Diosï, ka nénaksïni uá marhuachini Tata Diosïri amigueni.