¿Andisï Jeoba jatsi kúnguarhikua ma enga imani marhuakujka?

1. ¿Andisï Tata Diosï kúnguarhikua ma úpi israelitechani jingoni?

Jeoba, kúnguarhikua ma úspti Abraaniri uájpechani jingoni ka uánikua juramukuechani intsaaspti. Tata Diosï, Israeli arhiraspti ini nasionini, ka íksï arhinhaspti na engaksï jatsipka para kómarhini Tata Diosïni ka intsïnhasptiksï Tata Diosïri uandakuani (Salmo 147:19, 20). Israelini jimbo, iámindu nasionicharhu, uánikuechani sési nikuapirindi. Arhinta je Génesis 22:18.

Tata Diosï, israelitechani erakuaspti parakaksï imeri testiguepiringa. Israelitechani jimbo xarharasïndi na enga sési nikuajka imechani engaksï kurhajchaajka Jeobaeri juramukuechani (Deuteronomio 4:6). Israelitechani jimbo, máteruechajtuksï úpirindi mítini Tata Diosïni. Arhinta je Isaías 43:10, 12.

2. ¿Andiksïsï ambakiti kristianuecha kúnguarhikua ma jatsi iásï?

Engaksï israelitecha jurajkupka Tata Diosïni, Jeobajtu jurajkuaspti ka primeru siglurhu anapu kristianuechani erakuaspti (Mateu 21:43; 23:37, 38). Iásï ambakiti kristianuechaksï jindesti engaksï marhuakuni jaka Jeobani komueska imeri testiguecha ka nóteru israelitechia. Arhinta je Ukuecha 15:14, 17.

Jesusi arhiaspti imeri chúxapatichani eskaksï eianhpipiringa ka eskaksï disipulu uápiringa iápurhu nasionicharhu (Mateu 10:7, 11; 24:14; 28:19, 20). Ka i ánchikuarhita sánderu úkuarhixati iásï ini jurhiatikuechani jimbo. Nóksï méni xáni uánikuespti eska iásï, Jeoba miioni jimbo tánaaxati iápurhu parhakpinirhu anapuechani paraksï religioni jurhimbitirhu jarhani (Jaŋaskuecha [Apocalipsis] 7:9, 10). Ambakiti kristianuechaksï márku kúnguarhintstixati paraksï uinhaperperantani ka paraksï jarhuajperani. Iámindu parhakpinirhu, imecheri tánguarhikuecharhu májku jorhenguarhikuaksï jatsisïndi enga jindeka Bibliaeri ambe. Arhinta je Ebreu 10:24, 25.

3. ¿Nénaksï uénaski jarhani ini jurhiatikuechani jimbo Jeobaeri testiguecha?

Uéxurhini 1870 jimboksï uénasti jarhani máru kʼuiripuecha engaksï jorhenguarhienga Bibliaeri ambe, ka íksï exentaspti máru jorhenguarhikuechani engaksï iónisï jískakata japka. Imechaksï mítispti eska Jesusi arhiaspka primeru siglurhu anapu kristianuechani eskaksï nipiringa eianhpini, jimboksïsï úndapti eianhpini Tata Diosïri Reinueri ambe iápurhu parhakpinirhu. Ka 1931 jimbo uénastiksï arhikuarhini Jeobaeri testiguecha. Arhinta je Ukuecha 1:8; 2:1, 4, 11, ka 5:42.

4. ¿Néna úkuarhisïni eianhperakua engaksï Jeobaeri testiguecha újka?

Primeru siglurhu anapu kúnguarhikuecha, jarhuajperataksï intsïnhasïrendi máru kristianuecheri engaksï iámindu kúnguarhikuechani orhejtsïkuauenga, ka engaksï niárapka jiókuarhini eska Jesusisï orhekupauaenga kúnguarhikuechani (Ukuecha 16:4, 5). Ístu iásï, Jeobaeri testiguechajtuksï intsïnhasïndi jarhuajperata máru kristianuecheri engaksï Kuerpu Gobernanti arhinhajka. Íksï kristianuecha exesïndi na engaksï ánchikuarhini jarhajka sukursalicha Jeobaeri testiguecheri ka i sukursalichaksï jindesti engaksï uájka rebistechani, libruechani ka máteru ambe engaksï Bibliaeri ambe uandajka, jukari seisientu idiomechani jimbo. Íksï kristianuecha engaksï kánikua jánhaskatika, úrasïndiksï Bibliani paraksï uinhaperantaani ka jarhuajperata íntsaani indeni jukari sieni mili kúnguarhikuechani engaksï iámu parhakpinirhu jaka. Mándani kúnguarhikuani jimbo, ístuksï jarhasti erachicha engaksï sési marhuakujka Jeobani ka íksï uékperakua jingoni orhejtsïkusïndi kúnguarhikuechani. Arhinta je 1 Pedru 5:2, 3.

Jeobaeri testiguechaksï mítisti néna eianhpini Bibliaeri ambe ka néna disipulu uáni. Ísï eskaksï apostulicha, nirasïndiksï mándani kʼumanchikua jimbo eianhpini (Ukuecha 20:20). Ístuksï jorhendaasïndi imechani engaksï tsitijka jorhenguarhini Bibliaeri ambe. Jeobaeri testiguechaksï no kúnguarhikuajku máesti sino kʼéri familia ma engaksï iáminduecha uékperajka ka iáminduechaksï sési pʼikuarherasïndi jimbokaksï jatsiska Tátini ma enga kánikua uékaajka (2 Tesalonika 1:3). Jeobaeri kúnguarhikua jánguarhintasïndi sési pʼikuastani imani ka jarhuataani kʼuiripuechani, jimboksïsï kánikua tsípikua jingoni irekajti. Arhinta je Salmo 33:12 ka Ukuecha 20:35.