Xarhataani puntuechani engaksï jukaparhakueka

Ebreu 8:1

RESUMENI: Jarhuata je kʼuiripuni kurhanguni chári diskursuni ka sési xarhata je nénaksï terokuntasïni puntuecha engaksï jukaparhakueka tema jingoni ka ambe engajtsï uéjka konseguirini diskursu jingoni.

NÉNA ÚNI

• Exe je ambejtsï uékasïni konseguirini. Engajtsï prepararikuarhini jauaka, eratsi je ambejtsï uékasïni úni chári diskursu jingoni: uandantani ambe ma, úni eskaksï jakajkuaka o pʼímarpini paraksï ísï úni. Asegurarikuarhi je eskaksïni iámindu puntuecha engaksï jukaparhakueka apoiariuaka parajtsï konseguirini ambe engajtsï uéjka.

• Someni úra je diskursueri temani. Engajtsï diskursarini jauaka, xarhata je nákiski tema, repetiripariani máru uandakuechani ima temeri ambe engajtsï uandani jauaka.

• Sési eksplikari je puntuni enga jukaparhakueka ka eska kurhangukuarhiaka. Imantku puntuechani erakua je engajtsï uáka eksplikarini imani tiempuni jimbo enga arhutakata jaka ka enga terokuntaaka tema jingoni. Namunitu puntuechani erakua je engaksï sánderu jukaparhakueka ka sési eksplikariua je. Pausa ma ú je mándani puntu jimbo ka asï jirejiresï ní je máteru punturhu.