Leka abandi bakumanye nk’omuntu owayoleka okwetegereza. Wekaguze: ‘Abantu bammanyire nk’omuntu owatalemeraho, kandi owahindahinduramu? Rundi bammanyire nk’omuntu owalemeraho, kandi omukaali? Mpuliiriza abantu abandi kandi mpinduramu nambere kirukwetaagisa?’ Obutweyongera kwoleka okwetegereza, tweyongera kwegera hali Yahwe na Yesu. Kwoleka okwetegereza nikitwarramu kuhinduramu enyikara yaitu obw’ehinduka. Empindahinduka nizisobora kutuleetera emitalibaine tubaire tutarukunihira. Ekyokurorraho, ahonaaho nitusobora kutunga oburwaire obw’amaani. Rundi enyikara ey’eby’obulemi nambere turukwikara n’esobora kutalibaniza obwomeezi bwaitu. (Mug. 9:11) Nikisobora n’okutugumira kakuba habaho empindahinduka omu buheereza bwaitu. Nitusobora kugigumira kakuba tukora ebintu binu bbina: (1) ikiriza enyikara nk’oku eri, (2) teeka omutima ha ky’osobora kukora hati, (3) teeka omutima ha birungi, kandi (4) okonyere abandi. w23.07 21-22 ¶7-8

Nabbi Danieri akaba akyali musigazi muto, Abababuroni obubaamwihire Yerusalemu bamutwara Baburoni nk’omunyagwa. N’obukiraaba ngu akaba akyali muto, abaamunyagire bakamugonza. “Bakarora okusisana okwa haruguru,” ngu Danieri akaba ‘ataroho kamogo, baitu agomekere kurungi’ kandi akaba naruga omu ka ey’amaani. (1 Sam. 16:7) Nahabweki Abababuroni bakacwamu kumutendeka nukwo aheereze omu kikaali. (Dan. 1:​3, 4, 6) Yahwe akagonza Danieri habwokuba akacwamu kuba mwesigwa haluwe. Danieri n’asobora kuba akaba aine emyaka nka 20, Yahwe obuyamulengesaniize na Nuha na Yobu, abaamazire emyaka nyingi bali besigwa. (Kub. 5:32; 6:​9, 10; Yob. 42:​16, 17; Ez. 14:14) Yahwe akagumizaamu n’agonza Danieri, obwomeezi bwe bwona.—Dan. 10:​11, 19. w23.08 2 ¶1-2

Obworukuba n’ogonza kugura enju, oba n’ogonza kugyekebiija aheeru n’omunda kandi orole buli kimu ekirumu, habwokuba niija kuba eka yaawe. N’osobora kukora ekintu nikyo kimu obworukuba nosoma Baibuli. Kakuba ogisoma n’oyanguhiriza, n’osobora kwega ebintu bitaito Baibuli ebyeyeta “ebyokubandizaho ebyomu bigambo ebya Ruhanga.” (Baheb. 5:12) Nk’oku kirukwetaagisa kwetegereza kurungi enju otakagiguzire, nukwo kirukukwetaagisa kuteekamu amaani kwetegereza kurungi eby’orukusoma. Omulingo omurungi ogw’okwesomesa Baibuli nukwo kumanya omulingo eby’ebaza birukukwatagana. Lengaho kumanya mananu ki ag’orukwikiririzaamu n’ensonga habwaki ogaikiririzaamu. Kusobora kwetegereza Ekigambo kya Ruhanga, tusemeriire kwesomesaaho amananu agahamire. Omukwenda Paulo akatererra Abakristaayo kwesomesa kurungi Ekigambo kya Ruhanga nukwo basobole kwetegereza kurungi ‘okugaliha, n’obuhango, n’okuraiha, n’okuhama’ okw’amananu. Kinu kyakubakonyiire kweyongera “okugumibwa” omu kwikiriza. (Bef. 3:​14-19) Naitwe nikyo tusemeriire kukora. w23.10 18 ¶1-3