16 Yehova wakati kwa Mozesi: “Uniwunganyire ŵanalume 70 kufuma mu ŵalara ŵa Israyeli, awo iwe ukumanya kuti mbalara na ŵakuru ŵa ŵanthu.+ Wize nawo ku chihema chakukumanamo, ndipo ŵimilire penepapo pamoza na iwe. 17 Ine nikhirenge+ kuzakayowoya nawe penepapo.+ Nitorengepo mzimu+ uwo uli pa iwe na kuŵika pa iwo, ndipo ŵakovwirenge kuyegha katundu wa ŵanthu mwakuti uleke kuyegha wekha.+

34 Kweni mzimu wa Yehova ukiza* pa Gidiyoni+ ndipo wakalizga mbata,+ ntheura Ŵaabi-ezeri+ ŵakawungana kwa iyo.

29 Mzimu wa Yehova ukiza pa Yefita,+ ndipo wakasolota mu Giliyadi na Manase, wakaluta ku Mizipe wa Giliyadi,+ ndipo kufuma ku Mizipe wa Giliyadi wakalutilira m’paka ku Ŵaamoni.

5 Ntheura Samusoni wakakhilira ku Timuna pamoza na awiske na anyina. Wakati wafika mu minda ya mpheska ya ku Timuna, nkhalamu yikamulotokera. 6 Penepapo mzimu wa Yehova ukamupa nkhongono,+ wakayiphwatura na mawoko pera, nga umo munthu wangaphwatulira kana ka mbuzi. Kweni wakaŵaphalira yayi awiske na anyina ivyo wakachita.

14 Wakati wafika ku Lehi, Ŵafilisiti ŵakachemerezga mwakukondwa ŵakati ŵakumana nayo. Nyengo yeneyiyo mzimu wa Yehova ukamupa nkhongono,+ ndipo vingwe ivyo ŵakamukakira mu mawoko vikaŵa nga ni wuzi uwo waphya na moto, vikalakatika waka mu mawoko ghake.+

6 Mzimu wa Chiuta ukamupa nkhongono Sauli+ wakati wapulika mazgu agha, ndipo wakagolera na ukali.

13 Samuyeli wakatora sengwe la mafuta+ na kumuphakazga pamaso pa ŵakuru ŵake. Mzimu wa Yehova ukamba kumupa nkhongono Davide kwamba zuŵa lira kuya munthazi.+ Pamanyuma Samuyeli wakawuka na kuluta ku Rama.+

15 Mzimu wa Chiuta ukiza pa Azariya mwana wa Odedi.