9 Ŵaisrayeli ŵakati ŵachema Yehova kuti waŵawovwire,+ Yehova wakaŵapa mponoski kuti waŵathaske.+ Wakaŵapa Otiniyeli+ mwana wa Kenazi, munung’una wa Kalebi. 10 Mzimu wa Yehova ukiza pa iyo,+ ndipo wakaŵa mweruzgi wa Israyeli. Wakati waluta ku nkhondo, Yehova wakapeleka Kushani-rishatayimu themba la Mesopotamiya* mu woko lake mwakuti wakathereska Kushani-rishatayimu.

34 Kweni mzimu wa Yehova ukiza* pa Gidiyoni+ ndipo wakalizga mbata,+ ntheura Ŵaabi-ezeri+ ŵakawungana kwa iyo.

29 Mzimu wa Yehova ukiza pa Yefita,+ ndipo wakasolota mu Giliyadi na Manase, wakaluta ku Mizipe wa Giliyadi,+ ndipo kufuma ku Mizipe wa Giliyadi wakalutilira m’paka ku Ŵaamoni.

5 Ntheura Samusoni wakakhilira ku Timuna pamoza na awiske na anyina. Wakati wafika mu minda ya mpheska ya ku Timuna, nkhalamu yikamulotokera. 6 Penepapo mzimu wa Yehova ukamupa nkhongono,+ wakayiphwatura na mawoko pera, nga umo munthu wangaphwatulira kana ka mbuzi. Kweni wakaŵaphalira yayi awiske na anyina ivyo wakachita.

10 Ntheura ŵakafumako kura kuya ku kaphiri, ndipo wakakumana na ntchimi. Nyengo yeneyiyo, mzimu wa Chiuta ukamupa nkhongono,+ wakamba kuchima+ pamoza na ntchimi. 11 Ŵanthu wose awo ŵakamumanyanga ŵakati ŵawona kuti Sauli wakuchima pamoza na ntchimi, ŵakati: “Kasi chachitika ntchivichi kwa mwana wa Kishi? Kasi Sauli nayo ni ntchimi?”

13 Samuyeli wakatora sengwe la mafuta+ na kumuphakazga pamaso pa ŵakuru ŵake. Mzimu wa Yehova ukamba kumupa nkhongono Davide kwamba zuŵa lira kuya munthazi.+ Pamanyuma Samuyeli wakawuka na kuluta ku Rama.+