48 Yehova wamutuma ŵalwani ŵinu kwimikana namwe, ndipo mwamuŵateŵetera+ uku muli na njara,+ nyota, mwavwara vizwazwa, na kusoŵerwa vinthu vyose. Wamuŵika goliwoli lachisulo pa singo yinu m’paka wamuparanyani.

49 “Yehova wamumuwuskirani mtundu wakutali,+ kufuma ku vigoti vya charu chapasi, wamumuvwandamirani nga ni nombo,+ mtundu uwo chiyowoyero chake mwamuchipulikiska chara,+ 50 mtundu wakofya mu mawonekero, uwo wamupwelelerako yayi muchekuru nanga nkhutemwera mwanichi.+ 51 Ŵamurya ŵana ŵa viŵeto vinu na vipambi vya charu chinu m’paka muparanyike. Ŵamumusidiraniko yayi mbuto yiliyose, vinyo liphya, mafuta, tung’ombe panji tumbuzi, m’paka ŵamuparanyani.+

31 Nizamupungulira ukali wane pa imwe. Nizamumuphutirani moto wa kutukutwa kwane, na kumupelekani mu woko la ŵanthu ŵankhaza awo ni nkhwantha zakuparanya.+