Ndondomeko ya Sabata ya Julayi 15

SABATA YAKWAMBIRA PA JULAYI 15

Sumu 6 na Lurombo

□ Sambiro la Baibolo la Mpingo:

bt cipaturo 26 ndime 1-8, na bokosi pa peji 204 (Mamin. 30)

□ Sukulu ya Uteŵeti wa Ciuta:

Kuŵazga Baibolo: Milimo 18-21 (Mamin. 10)

Na. 1: Milimo 20:17-38 (Mamin. 4 panji kucepera apa)

Na. 2: Kasi Khristu Wazamuwoneka mu Mabingu na Kutora Ŵakhristu Ŵakugomezgeka Kuluta Nawo Kucanya Uku Ŵanthu Wose Ŵakuwona?—rs-CN peji 214 ndime 1-3 (Mamin. 5)

Na. 3: Kasi Tingalongora Wuli Kuti Tikughanaghanira vya Mzimu?—Rom. 8:6 (Mamin. 5)

□ Ungano wa Uteŵeti:

Sumu 92

Mamin. 10: Ŵafikani pa Mtima Ŵasambiri Ŵinu. (Luka 24:32) Dumbiskanani mafumbo agha: (1) Para tikusambira Baibolo na munthu, cifukwa wuli nchakuzirwa kulongosora makora (a) citemwa ca Yehova na vinjeru vyake? (b) uwemi wakulondezga fundo za mu Baibolo? (c) kuzirwa kwa kupenja dankha ulongozgi wa Yehova pambere tindasankhe cakucita? (2) Kasi kumufumba mafumbo ghakulondezgapo agha msambiri winu, kumovwiraninge wuli kuti mumanye usange mwamufika pa mtima? (a) Kasi namwe mukukolerana nayo fundo iyi? (b) Kasi mukughanaghana kuti fundo iyi yikukolerana na citemwa ca Ciuta? (c) Kasi mukughanaghana kuti mungasanga candulo wuli usange mungalondezga ulongozgi uwu?

Mamin. 20: “Ŵabali Ŵaciwukirano, Kasi Mukunwekera?” Mafumbo na mazgoro. Mwakudumura, fumbani mulara panji muteŵeti wakovwira uyo wakanwekera milimo wacali muwukirano. Kasi wakapika panji kusambizgika milimo wuli pambere wandaŵikike kuŵa muteŵeti wakovwira? Kasi ŵanji mu mpingo ŵakamovwira wuli kuti wakure mwauzimu? Kasi wasanga vitumbiko wuli cifukwa ca kunwekera?

Sumu 85 na Lurombo