Maliferensi gha Uteŵeti na Umoyo Wachikhristu—Kabuku ka Maungano

EPULERO 22-28

MAZGU GHA CHIUTA MBUSAMBAZI |1 ŴAKORINTE 14-16

Ivyo Tasambira

it-1-E 1197-1198

Likuvunda yayi

Chiwuka cha Ŵakhristu ŵakuphakazgika chikuyana waka na cha Yesu. Iwo ŵakuwuskika na thupi ilo lingavunda yayi panji kufwa, ndipo ŵakupika umoyo wamuyirayira nga vilengiwa vyauzimu. Para ŵateŵetera Chiuta mwakugomezgeka, na kufwa mu thupi la wunthu ilo likuvunda, iwo ŵakuwuskika mu thupi la lauzimu ilo lingafwa yayi nga umo Paulosi wakayowoyera pa 1 Ŵakorinte 15:42-54. Ntheura thupi lambura kufwa likung’anamura umoyo uwemi uwo ŵakusangwa nawo, umoyo wambura kufwa na wambura kuparanyika. Apo thupi lambura kuvunda ni thupi ilo Chiuta wakuŵapa, thupi ilo lingavunda yayi, kunangika, panji kuparanyika. Ntheura ichi chikung’anamura kuti Chiuta wakuŵapa mathupi agho ghakuthemba chilichose yayi panji vilengiwa vinyake kuti ghasange nkhongono mwakuthupi panji mwauzimu. Uwu mbukaboni wakuti Chiuta wakuŵagomezga chomene Ŵakhristu ŵakuphakazgika aŵa. Nangauli mathupi ghawo ghakuthemba pa vinthu vinyake yayi kweniso ghangaparanyika yayi, ndipouli ŵakulongozgeka na Chiuta nga umo Mutu wawo Khristu Yesu wakuchitira. Iyo wakulutilira kujilambika kwa Adada ŵake ndipo wakupulikira ulongozgi wawo.—1Ko 15:23-28; wonani lambura kufwa; mzimu.