JANYUWALE 15-21
YOBU 36-37
Sumu 147 na Lurombo | Mazgu Ghakwamba (Min. 1)
1. Chifukwa Wuli Mungagomezga Layizgo la Chiuta la Umoyo Wamuyirayira?
(Mamin. 10)
Yehova iyomwene ngwamuyirayira (Yob 36:26; w15 10/1 13 ¶1-2)
Yehova wali na vinjeru kweniso nkhongono zakuwezgerapo umoyo (Yob 36:27, 28; w20.05 22 ¶6)
Yehova wakutisambizga umo tingazakasangira umoyo wamuyirayira (Yob 36:4, 22; Yoh 17:3)
Para tili na chipulikano chakukhora mu malayizgo gha Chiuta gha umoyo wamuyirayira, vitovwirenge kuti tilimbane na masuzgo agho tikukumana nagho pa umoyo withu.—Heb 6:19; w22.10 28 ¶16.
2. Ivyo Tasambira
(Mamin. 10)
Yob 37:20—Kasi kanandi ŵanthu ŵakapokeranga wuli mauthenga kweniso nkhani mu nyengo yakale? ((it-1-E 492)
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?
3. Kuŵerenga Baibolo
(Mamin. 4) Yob 36:1-21 (th sambiro 2)
4. Kwamba Kuyowoya na Ŵanthu
(Mamin. 3) KUPHARAZGA KU MALO UKO KUKUSANGIKA ŴANTHU ŴANANDI. (lmd sambiro 3 fundo 3)
5. Kuwelerako
(Mamin. 4) KU NYUMBA NA NYUMBA. (lmd sambiro 2 fundo 5)
6. Kulongosora Vigomezgo Vinu
(Mamin. 5) Nkhani. ijwfq 57 ¶5-15—Mutu: Chifukwa Wuli Ŵakaboni ŵa Yehova Ŵakatambuzgika mu Nyengo ya Chipani cha Nazi? (th sambiro 18)
Sumu 49
7. Nozgekeranithu Nyengo Izo Mungakhumbikwira Wovwiri wa ku Chipatala Panji Kuchitika Opareshoni
(Mamin. 15) Kudumbiskana. Yiyowoyeke na mulara.
Gulu la Yehova latipa vinthu vyakupambanapambana kuti vitovwire kupulikira dango la Chiuta lakukhwaskana na ndopa. (Mil 15:28, 29) Kasi mukuvigwiliskira ntchito makora vinthu ivi?
Kadi la Mazaza gha Uyo Wakuniyimira pa Wovwiri wa Munkhwala (DPA) na Kadi la Ŵana (ic): Makadi agha ghakulongosora ivyo mulwari wali kusankha pa nkhani ya ndopa. Ŵapharazgi ŵakubatizika ŵangapoka kadi la DPA kwa muteŵeti wa mabuku kweniso ŵangapokera ŵana ŵawo kadi la ŵana. Makadi agha tikwenera kuŵa nagho nyengo zose. Usange mukukhumba kusayina kadi ili panji kusinthamo vinthu vinyake, mungaziwulikanga yayi.
Ulongozgi wa Ŵadumbu Awo Ŵali na Nthumbo (S-401) na Ulongozgi Wakukhwaskana na Ŵalwari Awo Ŵachitikenge Opareshoni (S-407): Mafomu agha ghakutovwira kuti tinozgekere usange tamupokera wovwiri unyake ku chipatala kusazgapo na nkhani zakukhwaskana na ndopa. Fumbani ŵalara ŵa mu mpingo winu kuti ŵamupani mafomu agha, usange mwamanya waka kuti muli na nthumbo panji para mukukhumbikwira opareshoni panji kupokera wovwiri wa kansa.
Komiti Yakudumbiskana na Chipatala (HLC): Ŵabali awo ŵali mu komiti iyi mbalara awo ŵali kusambizgika makora umo ŵangayowoyera na madokotala kweniso kovwira ŵapharazgi pa nkhani zakukhwaskana na ndopa. Ŵangayowoya na dokotala winu kuti wawone nthowa zinyake za umo wangamovwilirani padera pa kumuŵikani ndopa. Usange ntchakukhumbikwa, ŵangamovwirani kusanga dokotala uyo wangachindika ivyo mwasankha. Ŵabali aŵa ŵakusangika muhanya na usiku, mazuŵa ghose. Yimbirani ŵabali ŵa mu HLC mwaluŵiro usange mwamanya kuti mwamugonekeka ku chipatala, mwamuchitika opareshoni, mwamupokera wovwiri wa kansa nangauli vingaŵa kuti mwamukhumbikwira wovwiri wa ndopa yayi. Ivi ndivyo ŵadumbu awo ŵali na nthumbo nawo ŵakwenera kuchita. Usange mukukhumbikwira wovwiri, manyiskani ŵalara kuti ŵamupani manambara gha ŵabali ŵa mu HLC.
Wonelerani VIDIYO ya mutu wakuti, Kasi Makomiti Ghakudumbiskana na Chipatala Ghakovwira Wuli? Pamanyuma fumbani ŵategherezgi kuti:
Kasi Komiti Yakudumbiskana na Chipatala yingamovwirani wuli usange mukukhumbikwira wovwiri wa chipatala panji opareshoni?
8. Sambiro la Baibolo la Mpingo
(Mamin. 30) bt mutu 4 ¶9-12, na bokosi pa peji 34