JANYUWALE 22-28

MAZGU GHA CHIUTA MBUSAMBAZI

1. Kasi Mukusanga Nyengo ya Kudaŵira Chilengiwa?

(Mamin. 10)

Pamanyuma pakuti walenga charu chapasi, Yehova wakaŵa na nyengo ya kudaŵira vyose ivyo wakalenga (Ge 1:10, 12; Yob 38:5, 6; w21.08 9 ¶7)

Ŵangelo ŵakaŵa na nyengo ya kudaŵira ivyo Yehova wakalenga (Yob 38:7; w20.08 14 ¶2)

Tingakhozga chipulikano chithu mwa Yehova para tikusanga nyengo ya kudaŵira na kuwonga ivyo wali kulenga (Yob 38:32-35; w23.03 17 ¶8)

Mama na mwana wake ŵakukondwa kulaŵiska bulawura pawaro pa nyumba yawo.

2. Ivyo Tasambira

(Mamin. 10)

Yob 38:8-10—Kasi mavesi agha ghakutisambizga vichi za Yehova pakuŵa Mupi wa Dango? (it-2-E 222)

Lembani zgoro linu
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?

Lembani zgoro linu

3. Kuŵerenga Baibolo

(Mamin. 4) Yob 39:1-22 (th sambiro 5)

PHARAZGANI MWALUSO

4. Kwamba Kuyowoya na Ŵanthu

(Mamin. 2) KUPHARAZGA MWAMWAŴI. Mazgani chidumbirano mwantchindi para mwawona kuti munthu wakukhumba yayi kudumbirana namwe. (lmd sambiro 2 fundo 3)

5. Kuwelerako

(Mamin. 5) KU NYUMBA NA NYUMBA. Paulendo uwo wajumpha munthu wakamuphalirani kuti, mwasonosono apa munthu uyo wakamutemwanga chomene wali kufwa. (lmd sambiro 9 fundo 3)

6. Nkhani

(Mamin. 5) lmd vyakusazgirapo A fundo 1—Mutu: Vinthu Ivyo Vikuchitika Sono Kweniso Nkharo ya Ŵanthu Vikulongora Kuti Vinthu Visinthenge Sonosono. (th sambiro 16)

UMOYO WACHIKHRISTU

7. Kudaŵira Chilengiwa Kukutovwira Kuti Tighanaghanirenge Vinthu Vyakuzirwa Chomene

(Mamin. 15) Kudumbiskana.

Yobu wakughanaghanirapo pa vilengiwa vyakuzizwiska ivyo Yehova wali kulenga, nga beremoti panji kuti chigwere, konongo, nthiŵatiŵa, leviyatani panji kuti ng’wina, nombo, hachi, na njati. Mphepo yikuputa, ndipo Elihu na ŵakupembuzga ŵapusikizgi ŵatatu ŵakhala pafupi.

Apo ŵabwezi ŵake ŵatatu kweniso Satana ŵakamuwukira, Yobu wakamba kughanaghanira chomene pa masuzgo ghake kweniso kughanaghanira chomene ivyo ŵanyake ŵakayowoyanga.

Ŵazgani Yobu 37:14. Pamanyuma fumbani ŵategherezgi kuti:

Kasi Yobu wakeneranga kuchita vichi kuti waŵeso wakukhora mwauzimu?

Lembani zgoro linu

Para tikuwona kuti viyezgo vyatikulira, kudaŵira chilengiwa kungatovwira kumanya kuti Yehova ni mukuru, kuŵa na khumbo la kugomezgeka kwa iyo, kweniso kuŵa na chigomezgo chose kuti Yehova wali na nkhongono zakutipwelelelera.—Mat 6:26.

Wonelerani VIDIYO ya mutu wakuti, Ivyo Buku la Yobu Likutisambizga—Vinyama. Pamanyuma fumbani ŵategherezgi kuti:

Kasi vidiyo iyi yakhozga wuli chipulikano chinu mwa Yehova?

Lembani zgoro linu

8. Sambiro la Baibolo la Mpingo

(Mamin. 30) bt mutu 4 ¶13-20