Kasi Ŵanthu Ŵavinjeru Ndiwo Ŵakalemba Baibolo?

Ivyo Baibolo likuyowoya

Baibolo ni mazgu gha Chiuta, ndipo muli fundo zakovwira. Baibolo likuti: ‘Malemba ghose ngakupelekeka na Chiuta.’ (2 Timote 3:16) Wonani ukaboni wakulongora kuti Baibolo ni Mazgu gha Chiuta:

• Mbiri iyo yili kulembeka mu Baibolo njaunenesko. Palije uyo wali na ukaboni wakukwana kususka fundo iyi.

• Awo ŵakalemba Baibolo ŵakalemba unenesko wekha kwambura kubisako kanthu.

• Nkhani yikuru mu Baibolo ni iyi: Chiuta ndiyo ngwakwenelera kulongozga ŵanthu ndipo Ufumu wake uzamufiska khumbo lake.

• Baibolo likalembeka ni kale chomene ndipo likuneneska pa nkhani za sayansi.

• Ukaboni ukulongora kuti ivyo Baibolo likayowoya vikuchitika.