Mazgu Ghakwamba

Kasi mukufipa mtima chifukwa chakuti vinthu vikukwera mtengo? Kasi mukulimbikira kugwira ntchito nyengo yitali kuti musange vyakukhumbikwa pa umoyo? Kasi mukusanga nyengo yakukwana yayi yakuti muchezgerenge na ŵakutemweka ŵinu? Usange ndimo viliri kwa imwe, nkhani za mu Wukani! iyi zingamovwirani. Mu nkhani izi muli masachizgo agho ghangamovwirani kuti muŵe ŵakukondwa na kuchepeskako kwenjerwa. Nkhani yaumaliro yikulongosora vinthu viwemi ivyo vizamuchitika munthazi, kweniso umo chigomezgo cha munthazi chingatovwilira nanga ni sono nthena.