Chifukwa Wuli Nkhondo na Viwawa Vikumara Yayi?
Baibolo likulongosora vifukwa ivyo vikwambiska nkhondo na viwawa, kweniso chifukwa icho vinthu ivi vikulekera kumara.
KWANANGA
Chiuta wakalenga ŵapapi ŵithu ŵakwambilira Adamu na Eva, mu chikozgo chake. (Genizesi 1:27) Iyo wakaŵalenga munthowa yakuti ŵalongorenge mikhaliro yake nga mtende na chitemwa. (1 Ŵakorinte 14:33; 1 Yohane 4:8) Ndipouli, Adamu na Eva ŵakagalukira Chiuta ndipo ŵakananga. Lekani tose tili kuhara kwananga na nyifwa. (Ŵaroma 5:12) Chifukwa chakuti tili kuhara kwananga, lekani kanandi tikughanaghana na kuchita viheni.—Genizesi 6:5; Mariko 7:21, 22.
MABOMA GHA ŴANTHU
Chiuta wakatilenga kuti tijilamulirenge tekha yayi. Baibolo likuti: “Munthu uyo wakwenda wangalongozga yayi mendero ghake.” (Yeremiya 10:23) Lekani maboma gha ŵanthu ghangamazgirathu yayi nkhondo na viwawa.
SATANA NA VIŴANDA VYAKE
Baibolo likuyowoya kuti “charu chose chikugona mu nkhongono za muheni.” (1 Yohane 5:19) “Muheni” uyu ni Satana Dyabulosi, ndipo wakukoma ŵanthu. (Yohane 8:44) Iyo na viŵanda vyake vyambura kuwoneka ndiwo ŵakwambiska nkhondo na viwawa.—Chivumbuzi 12:9, 12.
Chiuta pera ndiyo wangamazga ivyo vikwambiska nkhondo na viwawa, ise yayi.