Te Muamua Tupu
10 Ne logo a te tupu fafine o Seepa e uiga ki a Solomona mo tena sokoga ki te igoa o Ieova,+ tenā ne vau ei tou fafine o tofotofo tou tagata ki fesili faiga‵ta.+ 2 Ne oko atu a ia ki Ielusalema mo tena kaumalaga e tokouke,+ fakatasi mo kamela e aumai i ei a sinu pasama+ mo aulo e uke ‵ki mo fatu tāua. Ne fanatu tou fafine ki loto i a Solomona kae faipati atu ki a ia e uiga ki mea katoa i tena loto. 3 Tenā ne tali ei ne Solomona ana fesili katoa. E seai eiloa se mea ne faigata ki te tupu ke fakamatala atu ki tou fafine.
4 I te laveaga ne te tupu fafine o Seepa a te poto o Solomona,+ te fale ne faite ne ia,+ 5 meakai i tena taipola,+ te auala e saga‵saga ei ana tavini, galuega a ana tino laulau meakai mo olotou gatu, ko ana tino fai meainu, mo ana taulaga ‵sunu kolā e ofo atu faeloa ne ia i te fale o Ieova, ne ofo malosi eiloa tou fafine i ei. 6 Ne fai atu tou fafine ki te tupu: “A te tala ne logo au i ei i toku fenua e uiga ki au mea e fai* mo tou poto se tala tonu eiloa. 7 Kae ne seki fia talitonu au ki tala konā ke oko ki te taimi ne vau ei au ke lavea eiloa ne au ki oku mata. Kae kiloke! A mea ne logo au i ei e se ko te āfa foki o te tala. A tou poto mo tou maumea ko sili fakafia atu i te tala ne logo au i ei. 8 E fia‵fia eiloa ou tāgata, kae e fia‵fia foki au tavini kolā e ‵tu faeloa i ou mua o fakalogo‵logo ki tou poto!+ 9 Ke vikia a Ieova tou Atua,+ telā ne fiafia ki a koe mai te tukuatuga o koe ki luga i te nofogaaliki o Isalaelu. Ona ko te alofa o Ieova ki Isalaelu e tumau ki te se-gata-mai, ne fakasopo aka ne ia koe ke fai mo tupu o fai a fakamasinoga ‵tonu kae amio‵tonu.”
10 Tenā ne tuku atu ei ne tou fafine ki te tupu a taleni* aulo e 120 mo sinu pasama e uke ‵ki+ mo fatu tāua.+ Ne seki ai eiloa se aofaki lasi o sinu pasama ne aumai ki konā e pelā mo mea ne avatu ne te tupu fafine o Seepa ki te Tupu ko Solomona.
11 A te fuāvaka a Hilamo kolā e ave i ei a aulo mai Ofeila+ ne aumai foki i ei a laupapa asi+ e uke ‵ki mo fatu tāua mai Ofeila.+ 12 Ne faite ne te tupu mai laupapa asi a pou mō te fale o Ieova mo te fale o te tupu, e pelā foki mo kitala mo mea fakatagi‵tagi e isi ne uka i ei mō ana tino usuusu.+ A laupapa asi penā ne seki toe aumai eiloa ki konā io me lavea atu ke oko mai ki te aso nei.
13 Ne tuku atu foki ne te Tupu ko Solomona ki te tupu fafine o Seepa so se mea ne manako kae fakamolemole mai a ia ki ei, i tafa o mea ne tuku atu ne ia mo te kaimalie ki tou fafine. Oti aka, foki ei tou fafine ki tena fenua fakatasi mo ana tavini.+
14 Kae ko te ‵mafa o aulo kolā ne maua ne Solomona i te tausaga e tasi e ‵tusa mo te 666 taleni aulo,+ 15 i tafa o mea ne maua mai i tino faipisinisi mo mea kolā ne maua mai i mea ne fakatau atu mo mea mai tupu katoa o Alapi mo kovana o te fenua.
16 Ne faite ne te Tupu ko Solomona a talita ‵lasi e 200 mai te aulo ne palu+ (e 600 sekela* o aulo ne fakaaoga ki talita takitasi)+ 17 kae 300 talita fo‵liki mai te aulo ne palu (e tolu mina* o aulo ne fakaaoga ki talita fo‵liki takitasi). Tenā ne tuku ei ne te tupu a mea konā i te Fale o te Vao o Lepanona.+
18 Ne faite foki ne te tupu se nofogaaliki lasi ki nifo o elefane+ kae ufi ne ia ki aulo ne faka‵ma faka‵lei.+ 19 E ono a sitepu ki luga i te nofogaaliki, kae e isi se fakamalumalu pukupuku i te feitu ki tua o te nofogaaliki, kae isi ne mea tuku lima i te avā feitu o te nofoga, kae e lua a leona+ e ‵tu i tafa o mea tuku lima konā. 20 Kae e 12 a leona e ‵tu i sitepu e ono konā, e takitasi i mata o sitepu e ono. E seai se isi malo ne fai ne ia se mea penei.
21 A ipu inu katoa a te Tupu ko Solomona ne faite ki aulo, kae ko meāfale katoa o te Fale o te Vao o Lepanona+ ne faite ki te tinā aulo. E seai se mea ne faite ki siliva, me i siliva ne mea fua sē taulia i aso o Solomona.+ 22 E isi se fuāvaka a te tupu mai Talasisi+ i te tai fakatasi mo te fuāvaka a Hilamo. E fakatasi i loto i tausaga e tolu, a fuāvaka mai Talasisi e aumai ne latou a aulo e uke mo siliva, nifo o elefane,+ magiki mo pikoki.
23 Tela la, a te Tupu ko Solomona e sili atu i nisi tupu katoa o te lalolagi i te maumea+ mo te poto.+ 24 Kae ko tino o te lalolagi kātoa ne ma‵nako o fetaui mo* Solomona ke fakalogo‵logo ki tena poto telā ne tuku atu ne te Atua ki tena loto.+ 25 Ne aumai ne latou taki tokotasi se meaalofa—ne mea e faite ki siliva, mea e faite ki aulo, gatu, meatau, sinu pasama, solofanua mo miula—kae ne fai faeloa penei i tausaga takitasi.
26 Kae ne gasolo aka eiloa o uke a kaliota mo solofanua* a Solomona; e 1,400 ana kaliota kae 12,000 solofanua,*+ kae ne tausi ne ia i fakai e faka‵tu ei ana kaliota kae pili mai ki te tupu i Ielusalema.+
27 Ne faite ne te tupu a siliva i Ielusalema ke uke e pelā mo fatu, kae ko laupapa alasi ke uke e pelā mo lakau ko sukamolo i te Sefila.+
28 A solofanua a Solomona ne ‵togi mai i Aikupito, kae ko tino faipisinisi a te tupu e maua olotou lafu solofanua* mō se ‵togi e tasi.+ 29 A kaliota takitasi kolā ne ‵togi mai i Aikupito e 600 tupe siliva te ‵togi, kae ko te solofanua e tasi e 150 te ‵togi, kae e fakatau atu ne latou ki tupu katoa o tino Heti+ mo tupu o Sulia.