Te Muamua Nofoaiga Tupu

25 E se gata i ei, ne ‵vae fakaa‵tea ne Tavita mo takitaki o potukau o te taviniga a nisi tama tāgata a Asafo, Hemanu mo Ietutunu+ ke tavini atu mai te ‵valo fakapelofeta kae fakaaoga a kitala, mo mea fakatagi‵tagi e isi ne uka+ i ei mo sumepalo.+ Tenei te fakasologa o igoa o ofisa mō te taviniga tenei, 2 mai tama tāgata a Asafo: ko Sakula, Iosefa, Netania mo Asalela, ko tama tāgata a Asafo kolā e ‵nofo mai lalo i te takitakiga a Asafo, telā ne ‵valo fakapelofeta mai lalo i te takitakiga a te tupu. 3 Mai i a Ietutunu,+ ko tama tāgata e tokoono a Ietutunu: ko Ketalia, Seli, Iesaia, Simei, Hasapaia mo Matitia+ mai lalo i te takitakiga a te lotou tamana ko Ietutunu, telā ne ‵valo fakapelofeta e auala i te fakaaogaga o te kitala o fakafetai kae ‵viki atu ki a Ieova.+ 4 Mai i a Hemanu,+ ko tama tāgata a Hemanu: ko Pukia, Matania, Usieli, Sepuelu, Ielimota, Hanania, Hanani, Eliatai, Kitaleti, Lomamiti-eseli, Iosepekasa, Maloti, Hotili mo Masiota. 5 A latou katoa konei ko tama tāgata a Hemanu, te tino fakamatala fakaasiga a te tupu ki mea e uiga ki te Atua tonu mo tena ‵malu; tenā ne tuku atu ei ne te Atua tonu ki a Hemanu e toko 14 tama tāgata kae toko 3 tama fāfine. 6 A latou katoa konei e ‵nofo mai lalo i te takitakiga a te lotou tamana mai te usuusu i te fale o Ieova kae fakaaoga a sumepalo, mea fakatagi‵tagi e isi ne uka i ei mo kitala+ mō te taviniga i te fale o te Atua tonu.

Asafo, Ietutunu mo Hemanu e ‵nofo mai lalo i te takitakiga a te tupu.

7 A te aofaki o latou fakatasi mo olotou taina kolā ne fakaakoako ke usu pese ki a Ieova, ne tino apo katoa, e toko 288. 8 Tenā ne fai ei ne latou a te vili+ mō olotou tofiga, a te tino foliki e ‵pau eiloa mo te tino matua, te tino apo e ‵pau eiloa mo te tino koi fakaakoako.

9 A te vili muamua ne tu ki te tama tagata a Asafo ko Iosefa,+ a te lua ki a Ketalia+ (ko ia mo ana taina mo ana tama tāgata, e toko 12 latou); 10 a te tolu ki a Sakula,+ ana tama tāgata mo ana taina, e toko 12 latou; 11 a te fa ki a Usielu, ana tama tāgata mo ana taina, e toko 12 latou; 12 a te lima ki a Netania,+ ana tama tāgata mo ana taina, e toko 12 latou; 13 a te ono ki a Pukia, ana tama tāgata mo ana taina, e toko 12 latou; 14 a te fitu ki a Iesalaela, ana tama tāgata mo ana taina, e toko 12 latou; 15 a te valu ki a Iesaia, ana tama tāgata mo ana taina, e toko 12 latou; 16 a te iva ki a Matania, ana tama tāgata mo ana taina, e toko 12 latou; 17 a te sefulu ki a Simei, ana tama tāgata mo ana taina, e toko 12 latou; 18 a te 11 ki a Asalelu, ana tama tāgata mo ana taina, e toko 12 latou; 19 a te 12 ki a Hasapaia, ana tama tāgata mo ana taina, e toko 12 latou; 20 a te 13 ki a Supuelu,+ ana tama tāgata mo ana taina, e toko 12 latou; 21 a te 14 ki a Matitia, ana tama tāgata mo ana taina, e toko 12 latou; 22 a te 15 ki a Ielemota, ana tama tāgata mo ana taina, e toko 12 latou; 23 a te 16 ki a Hanania, ana tama tāgata mo ana taina, e toko 12 latou; 24 a te 17 ki a Iosepekasa, ana tama tāgata mo ana taina, e toko 12 latou; 25 a te 18 ki a Hanani, ana tama tāgata mo ana taina, e toko 12 latou; 26 a te 19 ki a Maloti, ana tama tāgata mo ana taina, e toko 12 latou; 27 a te 20 ki a Eliatai, ana tama tāgata mo ana taina, e toko 12 latou; 28 a te 21 ki a Hotili, ana tama tāgata mo ana taina, e toko 12 latou; 29 a te 22 ki a Kitaleti,+ ana tama tāgata mo ana taina, e toko 12 latou; 30 a te 23 ki a Masiota,+ ana tama tāgata mo ana taina, e toko 12 latou; 31 a te 24 ki a Lomamiti-eseli,+ ana tama tāgata mo ana taina, e toko 12 latou.