Te Muamua Nofoaiga Tupu

9 A tino Isalaelu katoa ne fakamau olotou igoa e ‵tusa mo olotou gafa, kae ne tusi a mea konā i te Tusi o Tupu o Isalaelu. Kae ko Iuta ne ave fakapagota ki Papelonia ona ko te lotou sē fakamaoni.+ 2 A tino muamua ke toe ‵foki ki olotou laukele i olotou fakai ko nai tino Isalaelu, ko faitaulaga, ko tino Levi, mo tavini o te faletapu.*+ 3 Kae ko nisi tino kolā ne ‵tupu mai i a Iuta,+ Peniamina,+ Efalaima mo Manase ne ‵nofo i Ielusalema: 4 ko Utai te tama tagata a Amiuta te tama tagata a Omeli te tama tagata a Imeli te tama tagata a Pani, kolā ne ‵tupu mai i a Falesa+ te tama tagata a Iuta. 5 Kae mai tino Sailo, ko Asaia te toekimua mo ana tama tāgata. 6 Kae mai tama tāgata a Tila,+ ko Ieuelu mo olotou taina e toko 690.

7 Kae mai tama tāgata a Peniamina, ko Saulu te tama tagata a Mesulama te tama tagata a Hotavia te tama tagata a Hasenua, 8 Ipineia te tama tagata a Ielohama, Ela te tama tagata a Usi te tama tagata a Mikeli, mo Mesulama te tama tagata a Sefatia te tama tagata a Leuelu te tama tagata a Ipinita. 9 Kae ko olotou taina e ‵tusa mo te fakasologa o te lotou gafa e toko 956. A tāgata katoa konei ko ulu o olotou kāiga i olotou tamana.*

10 Kae mai te kau faitaulaga, ko Ietaia, Ieoialipa, Iakini,+ 11 Asalia te tama tagata a Hilikia te tama tagata a Mesulama te tama tagata a Satoka te tama tagata a Melaiota te tama tagata a Aitupa, se takitaki o te fale* o te Atua tonu, 12 Ataia te tama tagata a Ielohama te tama tagata a Pasula te tama tagata a Malakita, Masai te tama tagata a Atielu te tama tagata a Iaseela te tama tagata a Mesulama te tama tagata a Mesilemita te tama tagata a Imela, 13 mo olotou taina, ko ulu o kāiga i olotou tamana, e toko 1,760 tāgata ma‵losi kae fakatuagagina kolā e toka o tavini atu i te fale o te Atua tonu.

14 Kae mai tino Levi, ko Semaia+ te tama tagata a Hasupo te tama tagata a Asilikama te tama tagata a Hasapaia, ko tino kolā ne ‵tupu mai i a Melali; 15 mo Pakapakala, Helesi, Kalala, Matania te tama tagata a Maika te tama tagata a Sikeli te tama tagata a Asafo, 16 Opetaia te tama tagata a Semaia te tama tagata a Kalala te tama tagata a Ietutunu, mo Pelekia te tama tagata a Asa te tama tagata a Elekana, telā ne nofo i koga e ‵nofo i ei a tino Netopa.+

17 A tino tausi mataloa+ ko Saluma, Akupa, Talamoni, Aimanu kae ko te lotou taina ko Saluma ko te takitaki, 18 kae ke oko atu ki te taimi tenā ne tausi ne ia te mataloa o te palesi o te tupu i te feitu ki saegala.+ Konei a tino tausi mataloa o te koga ‵nofo o tino Levi. 19 Kae ko Saluma te tama tagata a Kole te tama tagata a Epiasafo te tama tagata a Kola, mo ana taina i te kāiga o tena tamana, ko tino Kola, ne onoono ki te faiga o galuega a tino tausi mataloa o te faleie kae ko olotou tamana ne onoono ki te faleie o Ieova e pelā me ne tino tausi o te auala e ulu atu ei ki loto. 20 Ko Fineaso+ te tama tagata a Eleasalo+ ne fai mo olotou takitaki i aso mua; kae ne fakatasi atu a Ieova ki a ia. 21 A Sakalia+ te tama tagata a Meselemia ko te tino tausi mataloa o te auala ki loto i te faleie o maopoopoga.

22 A te aofaki o latou kolā ne filifili aka ke tausi a mataloa i auala e ulu ki loto e toko 212. Ne ‵nofo latou i olotou koga ‵nofo e ‵tusa mo olotou gafa.+ Ne faka‵sopo aka ne Tavita mo Samuelu, te tagata+ e lavea ne ia a fakaasiga, a tino fakatuagagina konei ki olotou tiute konā. 23 Ko latou mo olotou tama tāgata ne onoono ki te galuega ko te leoleoga o mataloa o te fale o Ieova,+ ko te faleie.* 24 A tino tausi mataloa e ‵nofo i feitu e fa—ki saegala, togala, mātū mo saute.+ 25 E o‵mai sāle olotou taina i nisi taimi mai olotou koga ‵nofo o tavini fakatasi mo latou konei i aso e fitu. 26 E tokofa a takitaki tausi mataloa ne tuku atu ki ei a te tiute tenei ona ko te lotou fakamaoni. A latou ne tino Levi, kae ne pule atu latou ki potu* mo koga ‵teu koloa o te fale o te Atua tonu.+ 27 E ‵nofo sāle latou i te po kātoa i olotou koga ga‵lue i feitu katoa o te fale o te Atua tonu, me onoono eiloa latou ki te galuega tenā kae e pule latou i te kī kae ‵tala faeloa ne latou a te fale i tafataeao katoa.

28 A nisi tino i a latou e pule i meāfale+ o te taviniga; e lau ne latou a mea konā māfai ko aumai ki loto kae lau foki māfai ko ave ne latou ki tua. 29 A nisi tino i a latou ne faka‵sopo aka ke pule atu ki nisi meāfale, ko meāfale tapu+ katoa, e pelā foki mo te falaoa ‵mata kae ‵lei,+ te uaina,+ te sinu,+ te mea fakamanogi+ mo te sinu pasama.+ 30 A nisi tama tāgata a faitaulaga ne palu ne latou a sinu o sinu pasama. 31 Kae ko Matitia mai tino Levi, te toekimua a Saluma te tino Kola, ko te tino fakamaoni telā ne tuku ke onoono ki mea kolā e tao i kāpa.+ 32 A nisi o olotou taina mai tino Koate e pule i falaoa,*+ ke fakatoka ne latou i sapati+ katoa.

33 Konei a tino usuusu, ko ulu o kāiga i olotou tamana mai tino Levi e ‵nofo i loto i potu,* ko latou kolā ko saoloto mai olotou tiute; me e ‵tau mo latou o fai olotou tiute i te ao mo te po. 34 A latou konei ko ulu o kāiga o tino Levi i olotou tamana e ‵tusa mo olotou gafa, ne matai. A latou konei ne ‵nofo i Ielusalema.

35 A te tamana o Kipeona, ko Ieiela, ne nofo i Kipeona.+ A te igoa o tena avaga ko Maaka. 36 A tena toekimua tagata ko Apatonu, ‵tao atu ki ei ko Siula, Kiso, Paala, Nelu, Natapu, 37 Ketoa, Aio, Sakalia mo Mikilota. 38 A Mikilota ko te tamana o Simeama. Kae ne ‵nofo katoa latou i tafa o olotou taina i Ielusalema, fakatasi mo olotou nisi taina. 39 A Nelu+ ko te tamana o Kiso; a Kiso ko te tamana o Saulo;+ a Saulo ko te tamana o Ionatana,+ Malekisua,+ Apinatapu+ mo Esepaala. 40 Kae ko te tama tagata a Ionatana ko Melipaala.+ A Melipaala ko te tamana o Mika.+ 41 Kae ko tama tāgata a Mika ko Pitone, Meleko, Talea mo Aasa. 42 Aasa ko te tamana o Iala; a Iala ko te tamana o Alemeta, Asimaveta mo Semeli. A Semeli ko te tamana o Mosa. 43 A Mosa ko te tamana o Pinea kae ko Lefaia ko tena tama tagata, a te tama tagata a Lefaia ko Eleasa, a te tama tagata a Eleasa ko Aselu. 44 Aselu e tokoono ana tama tāgata, kae ko olotou igoa ko Asilikama, Pokelu, Isamaeli, Sealia, Opetaia mo Hananu. Konei a tama tāgata a Aselu.