Iopu
21 Ne toe tali atu a Iopu:
2 “Faka‵logo faka‵lei mai ki aku pati ka fai atu;
Ke fai a te mea nei e pelā me se fakamafanafanaga e tuku mai ne koutou ki a au.
3 Ke kufaki malie i te taimi e faipati ei au;
Ka oti au ne faipati, ko mafai ei ne koutou o fakatauemu au.+
4 E a, ne fai atu taku fameo ki se tagata?
Kafai e tonu, e a, e se ‵tau o galo i a au te kufaki?
5 ‵Kilo mai ki a au kae pula ‵toka mai mo te ‵poi;
Tuku otou lima ki luga i otou gutu.
6 Kafai e mafaufau au ki ei, e manavase au,
Kae e polepole toku foitino kātoa.
8 A olotou tama‵liki e ‵nofo faeloa i olotou tafa,
Kae ka lavea ne latou a tino e ‵tupu mai i a latou.
9 A olotou fale e tokagamalie, e seai se mataku i a latou,+
Kae ko te Atua e se fakasala ne ia latou ki tena tokotoko.
10 A olotou pulumakau e fanafanau e aunoa mo se fakalavelave;
A olotou pulumakau e fa‵nau kae e se ‵lele olotou tama.
11 A olotou tama‵liki tāgata e ‵tele i tua e pelā me se lafu mamoe,
Kae ko olotou tama‵liki e evaeva valevale fua.
12 E usu olotou pese fakatasi mo samupelini mo kitala
Kae fia‵fia i te ‵tagi o te faili.+
14 Kae fai atu latou ki te Atua tonu, ‘Tuku malie matou!
E se ma‵nako matou ke iloa ne matou ou auala.+
15 Ko oi te Atua Malosi Katoatoa, e ‵tau ei o tavini atu matou ki a ia?+
Ne a mea ‵lei ka maua ne matou māfai e fakamasani mo ia?+
16 Kae e iloa ne au me e se pule latou ki te lotou manuia.+
A mafaufauga* o tino ma‵sei e ‵mao mai i a au.+
17 E fakafia taimi e tamate sāle i ei te moli o tino amio ma‵sei?+
E fakafia taimi e oko sāle mai ei a fakalavelave ki a latou?
E fakafia taimi e fakaseai sāle ei ne te Atua a latou ona ko tena kaitaua?
18 E a, e fai latou e pelā me ne saito e agina i te matagi
Kae e pelā me ne kaiga e agina i se matagi malosi?
19 Ka tausi ne te Atua a te fakasalaga a te tagata mō ana tama tāgata.
Kae ke taui atu eiloa ne te Atua ki a ia ko te mea ke iloa ne ia.+
20 Ke lavea eiloa ne ana mata tena fakamaseiga,
Kae ke inu eiloa a ia ki te kaitaua o te Atua Malosi Katoatoa.+
21 Me e se a la te mea e fia saga ei a ia ki te mea ka tupu ki tena fale mai ana tua
22 E mafai ne se tino o akoako te poto ki te Atua,*+
Māfai ko Ia te tino e fakamasino ne ia a toe tino ma‵luga eiloa?+
23 E mate se tagata e tokotasi kae koi malosi eiloa+
I te taimi e seai ei ne ana fakalavelave kae e se manavase ki se mea,+
24 I te taimi ko ufi ei ana kauaga ki gako
Kae ko ana ivi ko ma‵losi.*
25 Kae ko te suā tagata e mate mo te mafatia,
E seki tami eiloa ki ne mea ‵lei.
28 Me fai mai koutou, ‘Tefea te fale o te tagata takutakua,
Kae tefea te faleie ne nofo i ei te tino masei?’+
29 E a, e seki fesili atu koe ki tino faima‵laga?
E a, e seki sukesuke faka‵lei ne koe olotou mea ne iloilo,*
30 Me i te tino matagā ka se tamate i te aso o te fakalavelave
Kae fakasao i te aso o te kaitaua?
31 Ko oi ka fakafesagai atu ki a ia e uiga ki ana amioga,
Kae ko oi ka toe taui atu ne ia ana mea ne fai?
32 Kafai ko sau a ia ki te tanuga,
E isi se leoleo ka tuku i luga i tena tanuga.
33 A fakaputuga one mai te vanu ka ma‵galo ki a ia,+
Kae ko tino katoa e tau‵tali atu i ana tua*+
E pelā mo te aofaki telā e se mafai o lau i ana mua.
34 Tela la, kaia e fai mai ei ki a au a fakamafanafanaga e seai ne uiga?+
E seai eiloa ne mea ‵lei i otou tali kae ko te loi faeloa!”