Iopu
24 “Kaia ne seki fakatoka ei ne te Atua Malosi Katoatoa se taimi?+
Kaia e se lavea ei a tena aso* ne tino kolā e iloa ne latou a ia?
2 E fakaga‵sue ne tino a pine o tuakoi;+
E kaisoa ne latou a lafu mamoe ma latou.
3 E afuli kea‵tea ne latou a asini a tama‵liki e seai ne olotou tamana
Kae ‵fao a te pulumakau tagata a te fafine ko mate tena avaga mo fai se puipuiga ki tena tupe ne kaitalafu.*+
4 E faimālō ne latou a tino ma‵tiva ke olo ki tua mo te auala;
A tino vāi‵vai o te lalolagi e ‵tau o ‵muni mai i a latou.+
5 A tino ma‵tiva e ‵sala ki meakai e pelā me ne asini vao+ i te koga lavaki;
E ‵sala latou ki meakai i te toafa ma olotou tama‵liki.
6 E ‵tau mo latou o tau a fuataga i te fatoaga o te suā tino*
Kae taetae meakai mai i te togavine a te tino masei.
7 E ‵moe fua‵fua latou i te po, e aunoa mo ne gatu;+
E seai ne mea mo olotou pulou i te ‵moko.
8 E ‵siu latou i vaiua mai mauga;
E fakapiki‵piki latou ki kaupapa me seai se mea mo olotou faka‵malu.
9 E ave kea‵tea ne latou te tamaliki e seai sena tamana mai te ū;+
Kae ko gatu o tino ma‵tiva e puke mo fai se puipuiga ki tupe ne kaitalafu,+
10 E faimālō latou ke olo fuafua, e aunoa mo ne gatu,
Kae fia‵kai, i te taimi e tauave ei ne latou a kausaito.
11 E galue fi‵ta latou i te ‵vela o te aso i feitu o mauga e isi ne ‵pui fatu i ei;*
E lakalaka ne latou a mea ‵tau uaina, kae ko latou e fiainu eiloa.+
12 A tino ko pili o ‵mate e ‵tagi fi‵ta i te fakai;
A tino pa‵kia malosi e ‵tagi mō se fesoasoni,+
Kae ko te Atua e se saga atu ki te mea tenei e pelā me se mea masei.*
13 E isi ne tino e ‵teke atu ki te mainaga;+
E se lavea ne latou ana auala,
Kae e se tau‵tali latou i ana auala.
14 E tu aka a te tino tatino i te mafāga o te ao;
E tamate ne ia te tino vāivāi mo te tino mativa,+
Kae i te po ko fano ei a ia o kaisoa.
15 A mata o te tino mulilua e faka‵tali ki te afiafi,+
Ana muna, ‘E seai se tino ka lavea ne ia au!’+
Kae ufi ne ia ana mata.
16 I te po e olo atu latou ki fale o tino o kai‵soa;
I te ao e ‵loka ne latou a latou eiloa i loto i ei.
A latou ne tino ‵fou ki te mainaga.+
17 Me i te tafataeao e ‵pau eiloa mo te pouliga lasi ki a latou;
E masani latou ki mea fakama‵taku o te pouliga lasi.
18 Kae e ‵tafe fakavave kea‵tea latou i te vai.*
A te lotou vaega i te fenua ka fakamalaiagina.+
Ka se toe ‵foki latou ki olotou togavine.
19 E pelā eiloa mo te tau la mo te ‵vela e ‵miti ne ia a vai mai kiona kolā ne liuvai,
20 Ka fakapuli a ia ne tena mātua;* a ilo ka kai ne latou a ia.
Ka se toe masaua atu eiloa a ia.+
Kae ko te sē amiotonu ka ‵fati e pelā me se lakau.
21 E se ‵lei ana mea e fai ki te fafine e se afu,
Kae fai fakamasei ne ia te fafine ko mate tena avaga.
22 Ka fakaaoga ne te Atua* tena malosi ke fakaseai atu a tino ma‵losi;
E tiga eiloa e mafai o ‵tu aka a latou, e se mautinoa i a latou me ko latou ka ola io me ka ‵mate.
24 E fakamaluga aka latou mō se taimi toetoe, ko ‵galo atu ei latou.+
E tuku ifo latou ke ma‵lalo+ kae fakamaopoopo mai e pelā eiloa mo tino katoa;
E ‵kati kea‵tea latou e pelā eiloa mo ulu o kausaito.
25 Nei la, ko oi e mafai o fakamaoni aka ne ia i a au se tino loi
Io me fai mai i aku pati e se ‵tonu?”