Iopu
30 “Nei la, e ‵kata mai latou ki a au+
—Ko tāgata e fo‵liki ifo i a au,
Kolā e se talia ne au olotou tamana
Ke tuku fakatasi mo kuli kolā e tausi ne latou taku lafu mamoe.
2 Se a te aoga o te malosi o olotou lima ki a au?
A te lotou malosi ko galo atu.
3 Ko fi‵ta latou ona ko te ma‵tiva mo te fia‵kai;
E kai‵kai latou i laukele malō
Kolā ko oti ne fakamasei kae tuku tiaki.
4 E tau ne latou a lakau masima mai te vao;
A olotou meakai ko aka o te lakau ko te pulumu.
5 Ne ‵tuli latou ki tua mo te fenua;+
E paka‵laga atu a tino ki a latou e pelā me paka‵laga ki se tino kaisoa.
6 E ‵nofo latou i feitu mauga o vanu,
I pūga i te laukele mo kaupapa.
7 E ka‵laga mai latou mai i te vao
Kae fakapikipiki fakatasi i loto i lakau makaikai.
8 E pelā me ko tama tāgata a te tino valea mo te tino e seai sena igoa,
Ne ‵tuli latou ki tua mo te fenua.
9 Kae nei la, e fakatauemu ne latou au ke oko eiloa ki olotou pese;+
Ko fai au e pelā me se mea fai fa‵kata ki a latou.+
11 Me ko oti ne ave kea‵tea ne te Atua aku meatau* kae fai au ke loto maulalo
E ‵pei kea‵tea ne latou i oku mua a mea katoa kolā e taofi* ei au.
12 I toku feitu fakaatamai e ‵tu aka latou e pelā me se potukau fakasaua;
E fai ne latou au ke tele
Kae ‵pono a toku auala ki mea e fakamasei ei au.
13 E ofa ne latou oku auala
Kae fai ke ma‵sei atu oku puapuaga,+
E aunoa mo se tino e taofi ne ia latou.*
14 Ne o‵mai latou e pelā me ne ulu mai i loto i se pūga lasi i te ‵pui;
Ne o‵mai latou ki loto faitalia te tulaga masei ko oko ki ei.
15 E manavase malosi au ona ko te mataku;
A toku tulaga fakaaloalogina ko afuli kea‵tea e pelā mo te matagi,
Kae ko toku fakaolataga ko galo atu e pelā me se kaumana.
18 Mai i se malosi sili ne ‵fuli ei* a foliga o toku gatu;
E pelā mo te kola o toku gatu, e fakasaitia ne ia toku mānava.
19 A te Atua ne ‵pei ne ia au ki lalo i pela;
Au ko ‵pau eiloa mo ‵pefu mo lefu.
20 E tagi atu au ki a koe mō se fesoasoani, kae e se tali mai koe;+
E tu aka au ki luga, kae e kilo mai fua koe ki a au.
21 Ne ‵fuli mai koe mo te saua o ‵teke mai ki a au;+
Mai te malosi o tou lima, ne ta ei ne koe au.
22 Ne puke ne koe au kae ave au i te matagi;
Oti aka, ‵pei valevale ei ne koe au i loto i se matagi malosi.
23 Me iloa ne au me ka aumai ne koe au ki lalo i te mate,
Ki te fale telā ka fetaui i ei a tino ola katoa.
24 Kae e seai se tino e ta ne ia se tagata puapuaga+
Māfai e tagi a ia mō se fesoasoani i te taimi o tena fakalavelave.
25 E a, e seki tagi au mō latou kolā ko fe‵paki mo taimi faiga‵ta?*
E a, e seki tagi fanoanoa au mō tino ma‵tiva?+
26 E tiga eiloa ne fakamoemoe au ki te ‵lei, kae ne oko mai te masei;
Ne fakamoemoe au ki te mainaga, kae ne oko mai te pouliga.
27 A te logologosala i loto i a au ne seki gata;
Ne oko mai ki a au a aso o te puapuaga.
28 E sasale au mo te fanoanoa;+ e seai se mainaga o te la.
I loto i te fakapotopotoga, e tu aka au o tagi mō se fesoasoani.
29 Ko fai au mo fai se taina o te manu ko te tiakolo
Mo se taugasoa o tama fāfine a te osetelite.+
31 A taku kitala e fakaaoga fua mō te tagi fanoanoa,
Kae ko taku faili mō te tagi mautuutu.