Salamo
ל [Lameta]
10 Kaia e tu ei koe i se koga ‵mao e Ieova?
Kaia e ‵muni ei koe i taimi o puapuaga?+
2 A te tino amio masei e fakamatamata kae afuli ne ia te tino vāivāi,+
Kae ka ‵po aka a ia i ana togafiti e fai.+
3 Me i te tino amio masei e tavae ne ia ana manakoga kaimanako+
Kae fakamanuia ne ia a te tino kaimanako;
נ [Nuna]
E se āva a ia ki a Ieova.
4 I tena fakamatamata, e seai ne sukesukega e fai ne te tagata amio masei;
Ana mafaufauga katoa e fai penei: “E seai se Atua.”+
5 Ana auala e tumau eiloa i te manuia,+
Kae e sili atu au fakamasinoga i tena malamalama;+
E fakatauemu atu a ia ki ana fili katoa.
6 E fai aka a ia i tena loto: “Ka se mafai eiloa au o malaia;*
I kautama takitasi
Ka se lavea eiloa ne au a fakalavelave.”+
פ [Pe]
7 A tena gutu e ‵fonu i fakamalaiaga, pati ‵loi mo fakamatakutakuga;+
E maua eiloa a fakalavelave mo pa‵kiaga mai lalo i tena alelo.+
8 E nofo fakatalitali a ia o taua atu i tafa o koga e ‵nofo ei a tino;
Mai tena koga ‵muni e tamate ne ia se tino e seai sena ‵se.+
ע [Aina]
E kilokilo ana mata ki se tino ke ta ne ia.+
9 E faka‵tali a ia i tena koga ‵muni e pelā me se leona i tena koga ‵muni.+
E fakatalitali a ia o ‵po aka te tino vāivāi.
E ‵po ne ia te tino vāivāi māfai ko ‵futi ne ia tena tili.+
10 Ko tuki pala a te tino ne ‵po kae fai ke ifo ki lalo;
A tino ne ‵ta ne ia ko ‵nofo i loto i ana lima.*
11 E fai aka a ia i tena loto: “Ko puli i te Atua.+
Ko ‵fuli kea‵tea ana mata.
E se lavea ne ia.”+
ק [Kofa]
12 Tu mai ki luga, e Ieova.+ Te Atua, sisi aka tou lima ki luga.+
Sa puli i a koe a tino vāi‵vai.+
13 Kaia ko se āva ei a te tino amio masei ki te Atua?
E fai aka a ia i tena loto: “Ka se fakamasino ne koe au.”
ר [Lesa]
14 Kae e lavea ne koe a fakalavelave mo puapuaga.
E kilo atu koe kae fai ne koe se faiga ki ei.+
E ‵fuli atu ki a koe a te tino ne ta;+
Ko koe te tino e fesoasoani ki te tamaliki e seai sena tamana.+
ש [Sina]
15 ‵Fati aka te lima o te tino amio masei mo te tino matagā,+
Me kafai e ‵sala koe ki ana amioga ma‵sei,
Ka se toe maua eiloa ne koe.
16 A Ieova ko te Tupu ki te se-gata-mai, se-gata-mai eiloa.+
A atufenua ko ‵galo atu mai te lalolagi.+
ת [Tau]
17 Kae ka lagona ne koe a te fakamolemole a te tino agamalu, e Ieova.+
Ka fai ne koe olotou loto ke ‵mautakitaki+ kae saga faka‵lei atu ki a latou.+