Salamo
Ko te pese a Tavita.
141 Ieova, au e kalaga atu ki a koe.+
Vau fakavave o fesoasoani mai ki a au.+
Saga tonu mai māfai e kalaga atu au ki a koe.+
2 Ke fai taku ‵talo e pelā me se mea manogi gali+ i mua o koe,+
Ne sisi aka oku lima ki luga ke fai pelā mo taulaga meakai i te afiafi.+
3 Fakatu se leoleo mō toku gutu, e Ieova,
Fai ke isi se leoleo i te mataloa o oku laugutu.+
4 Sa fai ne koe toku loto ke manako o fai se mea masei,+
Ke aofia i te faiga o mea ma‵sei fakatasi mo tāgata amio matagā;
Ke mo a eiloa au e kai i olotou meakai ‵gali.
5 Kafai e ta au ne te tino amiotonu, a te mea tenā se faifaiga o te alofa fakamaoni;+
Kafai e polopoloki ‵mafa ne ia au, e fai a te mea tenā e pelā me se sinu i luga i toku ulu,+
Telā e se mafai eiloa o kalo kea‵tea toku ulu mai i ei.+
Ka tumau eiloa taku ‵talo ke oko foki eiloa ki taimi e puapuaga ei latou.
6 E tiga eiloa e ‵pei ifo olotou famasino mai i kaupapa ma‵luga,
Ka ‵saga tonu eiloa a tino ki aku pati, me e ‵gali.
7 E pelā eiloa me se tino e fakamalū kae tofa ne ia te laukele,
E penā foki a te salalau o omotou ivi i te gutu o te Tanuga.*
8 Kae ko oku mata e ‵kilo atu ki a koe, e te Aliki Sili ko Ieova.+
Ko koe e faka‵lafi au ki ei.
Sa ave kea‵tea toku ola.
9 Puipui mai au mai gutu o matasele kolā ne fakatoka ne latou mō au,
Mai i malei a tino amio ma‵sei.
10 A tino amio ma‵sei ka ‵to katoa ki loto i olotou tili+
Kae ko au ka fakasili aka i olotou tafa mo te saogalemu.