Salamo
Ko te salamo a Tavita.
144 Ke ‵viki atu ki a Ieova toku Kaupapa,+
Telā e akoako ne ia oku lima mō te taua,
Mo oku matikao lima mō te faiga o taua.+
2 A ia ko toku alofa fakamaoni mo toku ‵pui malosi,
Ko toku lafiga tokagamalie mo te tino e fakasao ne ia au,
Ko toku talita mo te Atua e fakamalu au i ei,+
Ko te Atua e fakatakavale ne ia a nisi tino mai lalo i a au.+
3 Ieova, se a te tagata e ‵tau ei koe o saga mai ki a ia,
Te tama a te tagata e ‵tau ei koe o saga tonu mai ki a ia?+
4 A te tagata e ‵pau eiloa mo te mānava;+
Ana aso e ‵pau eiloa mo se ata telā e sae mai ko galo atu ei.+
6 Fai ke ‵lapa mai a uila kae fakasalalau atu ou fili;+
Sana atu au matasana kae fai a tino konā ke ‵numi valevale.+
7 ‵Fola mai ou lima mai luga;
Fakasao mai au kae fakaola aka au mai te malosi o te vai,
Mai i lima o tino fakaa‵tea,+
8 Kolā e fai‵pati olotou gutu ki mea ‵loi
Kae sisi aka olotou lima fakaatamai o tauto ki te mea sē tonu.*
9 Te Atua, ka usu atu ne au se pese fou ki a koe.+
Ka usu atu ne au a vikiga ki a koe, fakatasi mo te mea fakatagitagi e sefulu a uka i ei.
10 Ki te Atua telā e tuku atu ne ia te manumalo* ki tupu,+
Ki te Atua telā e fakasao ne ia tena tavini ko Tavita mai te pelu tamate tino.+
11 Fakasao mai au kae fakaola aka au mai i lima o tino fakaa‵tea,
Kolā e fai‵pati olotou gutu ki mea ‵loi
Kae sisi aka olotou lima fakaatamai o tauto ki te mea sē tonu.
12 Tenā ko fai ei omotou tama tāgata e pelā me ne tamā lakau kolā e ola fakavave aka,
Kae ko omotou tama fāfine e pelā me ne pou i te ‵kōna kolā ne koli mō se palesi.
13 Omotou fale saito ka ‵fonu i vaegā fuagalakau valevale;
Omotou lafu manu i omotou laukele ka lau i afe mo sefuluafe.
14 Omotou pulumakau, kolā ko pili o fa‵nau, ka seai ne mea e ‵tupu ki ei io me ‵to olotou tama;
Ka seai se tagi o te puapuaga e lagona atu i malae o omotou fakai.
15 E fia‵fia a tino kolā e fai eiloa penā!
E fia‵fia a tino kolā e fai a Ieova mo olotou Atua!+