Salamo
Ki te takitaki o te kau fai pese. Ko te pese a Tavita.
2 Ne tuku atu ne koe ki a ia a manakoga o tena loto,+
Kae ne seki taofi ne koe a te fakamolemole o ana laugutu. (Selā)
3 Me ne fakafetaui atu koe ki a ia fakatasi mo fakamanuiaga e uke;
4 Ne fakamolemole atu a ia ki a koe mō te ola, kae ne tuku ne koe ki a ia,+
Ko te ola leva ki te se-gata-mai, se-gata-mai eiloa.
5 Au faifaiga faka‵sao tino e aumai i ei te ‵malu sili ki a ia.+
Ne tuku atu ne koe ki luga i a ia a te tulaga ‵malu kae gali.
6 E fai ne koe a ia ke manuia ki te se-gata-mai;+
E fai ne koe ke fiafia a ia ona ko tou ‵kau fakatasi mai.+
7 Me e talitonu te tupu ki a Ieova;+
Ona ko te alofa fakamaoni o te Atua Tafasili i te Maluga, ka se mafai eiloa a ia o malaia.*+
8 Ka maua ne tou lima ou fili katoa;
Ka maua eiloa ne tou lima fakaatamai a latou kolā e takalia‵lia ki a koe.
9 Ka fai ne koe a latou e pelā me se ogaumu ‵ka ulaula i te taimi tonu māfai ko saga atu koe ki a latou.
Ka folo latou ne Ieova i tena ita, kae ka ‵ka eiloa latou i te afi.+
10 A tino ne ‵tupu mai i a latou ka fakaseai ne koe mai te lalolagi,
Mo olotou tama mai i tama a tāgata.
11 Me ne ma‵nako latou o fai a mea ma‵sei ki a koutou;+
Ne fai ne latou a togafiti kolā ka se iku manuia.+
12 Me ka fai ne koe latou ke ‵foki ki tua+
Mai te faka‵tonu atu o tau kausana ki a latou.
13 Tu mai ki luga, e Ieova, i tou malosi.
Ka usu atu ne matou a vikiga ki tou malosi.