Salamo

28 Au e kalaga atu faeloa ki a koe, e Ieova, toku Kaupapa;+

Sa faka‵tuli ou taliga ki a au.

Kafai e se faipati mai koe ki a au,

Ka fai au e pelā mo latou kolā e olo ifo ki te lua.*+

 2 Fakalogo mai ki aku fakatagi māfai e tagi atu au ki a koe mō se fesoasoani

Māfai ko sisi aka oku lima ki te potu tafa ki loto o tou koga tapuaki.+

 3 Sa toso au kea‵tea fakatasi mo tino amio ma‵sei, fakatasi mo latou kolā e fai ne latou a mea fakalogo‵mae,+

Ko latou kolā e fai‵pati ki pati o te filemu mo olotou tuakoi kae ko olotou loto e ‵fonu i mea matagā.+

 4 Toe ‵togi atu ki a latou mō olotou faifaiga,+

E ‵tusa mo olotou faifaiga matagā.

Toe ‵togi atu ki a latou mō galuega a olotou lima ne fai,

E ‵tusa mo mea ne fai ne latou.+

 5 Me i a latou e se ‵saga tonu atu ki faifaiga a Ieova,+

Io me ko galuega a ana lima.+

 6 Ke vikia a Ieova,

Me ko oti ne lagona ne ia aku fakatagi mō se fesoasoani.

 7 A Ieova ko toku malosi+ mo toku talita;+

A toku loto e talitonu ki a ia.+

Ne maua ne au tena fesoasoani, kae fiafia toku loto,

Tela la, ka usu ne au a pese o vikiga ki a ia.

 8 A Ieova ko te malosi o ana tino;

A ia se ‵pui malosi, e aumai ne ia te fakaolataga sili ki tena tino fakaekegina.+