Salamo

8 Ieova te motou Aliki, ko oko eiloa i te fakaofoofogia o tou igoa i te lalolagi kātoa;

Ko oti ne fakamaluga aka ne koe tou tulaga ‵malu ke maluga atu i te lagi!+

 2 E auala i gutu o tama‵liki mo pepe+ ne faka‵mautakitaki ei ne koe tou malosi

Ona ko ou fili,

Ke fakafilemu i ei te fili mo te tino e taui ma sui.

 3 Kafai e kilo atu au ki tou lagi, ko galuega a ou matikao lima,

Te masina mo fetū kolā ne fakatoka ne koe,+

 4 Se a te aoga o te tagata e mafaufau ei koe ki ei,

Mo te tama a te tagata ke tausi koe ki ei?+

 5 Ne fai ne koe a ia ke tai malalo ifo i tino kolā e fai pelā me ne atua,*

Kae ne fakafou ne koe a ia ki te ‵malu mo te gali.

 6 Ne tuku atu ne koe ki a ia te pule i galuega kolā ne fai ki ou lima;+

Ne tuku ne koe a mea katoa mai lalo i ana vae:

 7 Ko mamoe mo pulumakau katoa,

E pelā foki mo manu o te vao,*+

 8 Ko manu eva o te lagi mo ika o te tai,

So se mea telā e tele i te tai.