Salamo
Se pese. Ko te pese a tama tāgata a Kola.+ Ki te takitaki o te kau fai pese; i te faifaiga a te Mahalata,* ke usu fakasolosolo. Masekila* a Hemanu+ te tino Esela.
3 Me i a au ko ‵fonu i te puapuaga,+
Kae ko toku ola ko nofo fakapilipili eiloa i kaugutu o te Tanuga.*+
4 Ko oti ne lau aka au i a latou kolā e olo ki lalo i te lua;*+
Au ko fai pelā me se tagata ko vāivāi,*+
5 Ko tiaki fakatasi mo tino ‵mate
E pelā mo tino ne tamate e ta‵kato i se tanuga,
Kolā ko se toe masaua ne koe
Kae ko oti ne ‵vae kea‵tea mai tau tausiga.*
6 Ko oti ne tuku ne koe au i te ‵toe lua ‵poko,
I koga pouli, i se lua ‵poko lasi.
7 A tou kaitaua ko oko loa i te ‵mafa i luga i a au,+
Kae ko logo‵fio eiloa au i ou galu ‵lasi. (Selā)
8 Ko oti ne afuli kea‵tea ne koe oku taugasoa ke ‵mao mai i a au;+
Ko oti ne fai ne koe au e pelā me se mea fakatakalialia ki a latou.
Au ko tō ki loto i te malei kae ko se mafai o sao.
9 Oku mata ko fi‵ta ona ko toku mafatia.+
E kalaga atu au ki a koe, e Ieova, i te aso kātoa;+
Au e ‵fola atu oku lima ki a koe.
10 E a, ka fai ne koe ne mea fakaofoofogia ki a latou kolā ko ‵mate?
E a, e mafai ne latou kolā ko seai se malosi i te mate o ‵tu aka o ‵viki atu ki a koe?+ (Selā)
11 E a, ka folafola atu eiloa a tou alofa fakamaoni i loto i te tanuga,
Mo tou fakamaoni i te koga o fakaseaiga?*
12 E a, ka lauiloa au mea fakaofoofogia i te koga pouli
Io me ko tou amiotonu i te fenua telā ko fakapuli atu?+
13 Kae koi tagi atu faeloa au ki a koe mō se fesoasoani, e Ieova,+
I tafataeao katoa e oko atu taku ‵talo ki ou mua.+
14 Ieova, kaia e ‵teke ei ne koe au?+
Kaia e ‵funa ei ou mata mai i a au?+
15 Mai te taimi koi talavou ei au o fano ki mua,
Ne puapuaga faeloa au kae toka foki o mate;+
Au ko nofo ‵mu ona ko mea ma‵sei ne talia ne koe ke logo‵mae au i ei.
16 A tou kaitaua telā e ‵ka pelā me se afi ko oko mai ki luga i a au;+
Au mea fakama‵taku ko fakamasei ne latou au.
17 Ko fakatamilo ne latou au e pelā me ne vai i te aso kātoa;
Ko taua mai ki a au mai feitu katoa.*
18 Ko oti ne afuli kea‵tea ne koe oku taugasoa mo oku takaga ke ‵mao mai i a au;+
A te pouliga ko fai mo oku takaga.