Isaia
12 I te aso tenā kae ka fai mai koe:
“Au e fakafetai ki a koe, e Ieova,
Me e tiga eiloa ne kaitaua mai koe ki a au,
Ne gasolo ifo eiloa o galo tou kaitaua, kae ne fakamafanafana ne koe au.+
2 Kiloke! A te Atua ko toku fakaolataga.+
Ka talitonu au ki a ia kae ka se mataku au;+
Me i a Ioa* Ieova ko toku malosi mo toku mafi,
Kae ko fai a ia mo fai toku fakaolataga.”+
3 Ka aumai ne koutou mo te fia‵fia a vai
Mai i punavai o te fakaolataga.+
4 Kae i te aso tenā ka fai atu koe:
“Fakafetai atu ki a Ieova, ka‵laga atu ki tena igoa,
Fakailoa atu ana faifaiga ki tino!+
Folafola atu me ko fakamaluga aka tena igoa.+
5 Usu atu a vikiga ki a Ieova,+ me ne fai ne ia a mea fakaofoofogia.+
Ke fakailoa atu a mea konei i te lalolagi kātoa.
6 Ka‵laga atu mo te fia‵fia, koutou e tino kolā e ‵nofo i* Siona,
Me e sili eiloa te Atua Tapu o Isalaelu telā e nofo i va o koutou.”