Isaia
16 Uga atu se mamoe tagata ki te pule o te fenua,
Mai i Selaa o fanatu i loto i te koga lavaki
Ki te mauga o te tama fafine o Siona.
2 E pelā me se manu eva ne afuli kea‵tea mai tena ofaga,+
E penā foki a tama fāfine o Moapi ka ‵nofo atu latou i asaga o Alinona.+
3 “Tuku atu a pati fakatonutonu, fai a te fakaikuga ko oti ne fai.
Fai tou malūga i te tutonu ke pelā me se po.
Faka‵muni aka a tino kolā ne salalau atu kae sa fakatogafitigina a latou kolā ne ‵tele kea‵tea.
4 Ke ‵nofo i a koe, e Moapi, oku tino kolā ne salalau atu.
Ke fai koe mo koga ‵muni o latou mai i te tino fakamasei mea.+
A te tino pule fakasaua ka oko mai tena gataga,
A te fakamaseiga ka oko mai tena gataga,
Kae ko latou kolā e lakalaka ki lalo ne latou a nisi tino ka ‵galo atu mai te lalolagi.
5 Tenā ka faka‵mautakitaki ei a te nofogaaliki i te alofa fakamaoni.
Ka fakamaoni a te tino telā e sagasaga i luga i ei i loto i te faleie o Tavita;+
Ka fakamasino faka‵lei kae fakaoko fakavave ne ia te amiotonu.”+
6 Ne ‵logo matou e uiga ki te fakamatamata o Moapi—ko oko eiloa a ia i te fakamatamata+—
Tena fakamaualuga mo tena fakamatamata mo tena kaitaua;+
Kae ko ana faipatiga sē aoga ka iku atu ki te seai.
7 Tela la, a Moapi ka tagi fanoanoa ona ko Moapi;
A latou katoa ka ‵tagi fanoa‵noa.+
A latou kolā ne ‵ta ka ‵tagi ki keke vine o Kila-helesi.+
Ne lakalaka ne pule o fenua fakaa‵tea ana kaula lanu kula;*
Ne oko atu eiloa latou ki Iaseli;+
Ne oko atu foki latou ki te koga lavaki.
Ana somo ko salalau kae ko oko atu foki eiloa ki te tai.
9 Tenā te pogai ka tagi mautuutu ei au ki vine o Sipama i te taimi e tagi mautuutu ei au ki a Iaseli.
Ka fakasiusiu ne au a koulua ki oku loimata, e Hesepono mo Eleale,+
Me ko palele atu te paka‵laga ne fai ona ko ou fuagalakau i te tau ‵vela mo te taimi e tau ei a fuataga.
10 Ko oti ne ave kea‵tea a te ‵lifu mo te fia‵fia mai vao lakau kaina,
Kae ko seai ne pese o te fiafia io me ko te paka‵laga i loto i togavine.+
A te tino lakalaka ka se toe lakalaka i uaina i te koga ‵tau uaina,
Me ko oti ne fakagata ne au a te paka‵laga.+
11 Tenā te pogai ko se toka ei toku loto ona ko Moapi,+
E pelā mo te tātā o se kitala,
Mo toku ‵kano loto ona ko Kila-helesi.+
12 Kafai ko vāivāi a Moapi i luga i koga ma‵luga kae e fano o ‵talo i tena koga tapuaki, ka seai sena mea e fakataunu.+
13 Tenei te muna ne faipati muamua mai ne Ieova e uiga ki Moapi. 14 Kae nei la, ne fai mai a Ieova: “I loto i tausaga e tolu, e pelā mo tausaga o se tino galue ‵togi,* a te ‵malu o Moapi ka masiasi ona ko te ‵numi valevale, kae ko latou kolā e ‵toe mai ka mu‵tana ‵ki kae e se tāua.”+