Ielemia
1 Konei a pati a Ielemia* te tama tagata a Hilikia, se faitaulaga e tokotasi i Anatota+ i te fenua o Peniamina. 2 Ne oko mai a pati a Ieova ki a ia i aso o Iosia+ te tama tagata a Amone,+ te tupu o Iuta, i te 13 tausaga o tena pulega. 3 Ne oko mai foki i aso o Ieoiakimo+ te tama tagata a Iosia, te tupu o Iuta, ke oko ki te katoaga o te 11 tausaga o te pulega a Setekaia+ te tama tagata a Iosia, te tupu o Iuta, ke oko eiloa ki te taimi ne ave fakapagota i ei a Ielusalema i te lima o masina.+
4 Ne oko mai ki a au a pati a Ieova, ana muna:
Ne fai ne au koe mo pelofeta ki atufenua.”
6 Kae ne fai atu au: “Oi aue, e te Aliki Sili ko Ieova!
E se iloa ne au o faipati,+ i a au koi foliki fua.”+
7 Tenā ne toe fai mai ei a Ieova ki a au:
“Sa fai mai, ‘I a au koi foliki fua.’
Me e ‵tau mo koe o fano ki a latou katoa kolā e uga ne au koe ki ei,
Kae e ‵tau o fai atu ne koe a mea katoa e fakatonu atu ne au ki a koe.+
8 Sa mataku ona ko olotou foliga,+
Me i a ‘au e fakatasi atu ki a koe o fakasao koe,’+ ko te folafolaga a Ieova.”
9 Tenā ne ‵fola mai ei te lima o Ieova kae fakapatele mai ki toku gutu.+ Muna a Ieova ki a au: “Ko oti ne tuku atu ne au aku pati ki tou gutu.+ 10 Kiloke, ko oti ne ‵tofi aka ne au koe i te aso nei ke pule atu ki atufenua mo malo, ke unu kea‵tea kae ofa ki lalo, ke fakaseai kae fakamasei, ke faite aka a mea kae ‵toki a nisi mea.”+
11 Ne toe oko mai ki a au a te pati a Ieova, ana muna: “Ielemia, se a te mea e lavea ne koe?” Aku muna: “E lavea ne au se kaula o te lakau ko te alamoni.”
12 Muna a Ieova ki a au: “E tonu eiloa te mea e lavea ne koe, me i a au e matapulapula e ‵tusa mo taku pati ko te mea ke fakataunu eiloa.”
13 Ne oko mai ki a au te pati a Ieova i te lua o taimi, ana muna: “Se a te mea e lavea ne koe?” Aku muna: “E lavea ne au se ulo e ‵puna a vai i ei kae ko tena gutu e pale kea‵tea mai i mātū.” 14 Tenā ne fai mai ei a Ieova ki a au:
“Ka oko mai se fakalavelave mai i te feitu ki mātū
Ki tino katoa e ‵nofo i te fenua.+
15 Me ‘ka ‵kami mai ne au a kāiga katoa o malo i te feitu ki mātū,’ ko te folafolaga a Ieova,+
‘Kae ka o‵mai latou; ka fakatu aka ne tino taki tokotasi olotou nofogaaliki
I mataloa o ‵pui o te fakai o Ielusalema,+
I ana ‵pui fakatamilo katoa
Mo fakai katoa o Iuta.+
16 Kae ka folafola atu ne au aku fakamasinoga ki a latou e ‵tusa eiloa mo olotou amioga ma‵sei katoa,
Me ne tiakina ne latou au,+
Kae fai ke fanaka te au o olotou taulaga ki nisi atua+
Kae ifo ki lalo i galuega ne fai ne olotou lima.’+
17 E ‵tau mo koe o fakatoka o fai se mea,
Kae e ‵tau mo koe o tu ki luga o fai atu ki a latou a mea katoa e fakatonu atu ne au.
Sa mataku i a latou,+
Ko te mea ke se fakamatakutaku ne au koe i mua o latou.