Ielemia
6 ‵Tele kea‵tea mai i Ielusalema, koutou e tama tāgata a Peniamina.
Me ko oko mai te puapuaga mai i mātū, se fakalavelave lasi ‵ki eiloa.+
2 A te tama fafine o Siona e ‵pau eiloa mo se fafine tinogali kae fakapelepele.+
3 A tausi mamoe mo olotou lafu ka o‵mai.
Ka faka‵tu olotou faleie i ana feitu katoa,+
Kae e fagai ne tino taki tokotasi olotou mamoe kolā e tausi ne latou.+
4 “Fakatoka o taua atu ki tou fafine!
‵Tu ki luga, kae ke taua atu tatou ki tou fafine i te tutonu!”
“Kalofa eiloa i a tatou, me ko toetoe te ao,
Me i malūga o te afiafi ko gasolo o leva!”
5 “‵Tu ki luga, kae ke taua atu tatou i te po
Kae fakama‵sei ana taoa ma‵losi.”+
6 Konei a pati a Ieova o kautau ne fai mai:
“‵Kati ki lalo a lakau kae fakatu aka se koga maluga i Ielusalema.+
A ia ko te fakai e ‵tau o fakasala;
E seai ne mea i loto i ei kae na ko faifaiga fakasaua.+
7 E pelā eiloa mo se vaikeli e tausi tena vai ke ‵moko,
E tausi foki ne ia ana amioga ma‵sei ke ‵moko.
E lagona atu a fakasauaga mo fakamaseiga e fai i loto i ei;+
A masaki mo mala e ‵sae aka faeloa i oku mua.
8 Ielusalema, ke na talia a pati fakatonutonu, i a au ma ‵fuli kea‵tea mai i a koe mo te takalialia;+
Ka fakamasei ne au koe, se fenua e seai ne tino e ‵nofo i ei.”+
9 Konei a pati a Ieova o kautau ne fai mai:
“Ka taetae katoa ne latou a te toega o Isalaelu e pelā me ne fuagavine fakaoti eiloa o se vine.
Toe tuku atu tou lima e pelā me se tino e fakamaopoopo mai ne ia a fuagavine mai i vine.”
10 “Ko oi te tino e ‵tau o faipati au ki ei kae avatu te fakailoaga ki ei?
Ko oi ka fakalogo mai?
Kiloke! Ko ‵pono olotou taliga, ko te mea ke se ‵saga tonu mai latou.+
Kiloke! A te muna a Ieova ko fai pelā me se mea e ‵kata fakatauemu ki ei;+
E se fia‵fia latou ki ei.
11 Au ko ‵fonu eiloa i te kaitaua o Ieova,
Kae ko fi‵ta au i te taofiga.”+
“‵Ligi atu te kaitaua tenā ki luga i te tamaliki i te auala,+
Ki luga i potukau o talavou tāgata kolā e maopoopo fakatasi.
A latou katoa ka puke, ko te tagata fakatasi mo tena avaga,
Te toeaina fakatasi mo te toeaina matua.+
12 A olotou fale ka tuku atu ki nisi tino,
Fakatasi mo olotou fatoaga mo olotou avaga.+
Me ka ‵kapa atu toku lima o taua atu ki tino kolā e ‵nofo i te fenua,” ko te folafolaga a Ieova.
13 “Mai te ‵toe tino malalo ke oko eiloa ki te ‵toe tino maluga, e maua ne tino taki tokotasi a mea i se auala sē fakamaoni;+
Mai i te pelofeta ke oko eiloa ki te faitaulaga, e fai ne tino taki tokotasi a mea sē ‵tonu.+
14 Kae e taumafai latou o faka‵lei malie a pa‵kiaga o oku tino, olotou muna,
‘Ko isi se filemu! Ko isi se filemu!’
Kae seai ei se filemu.+
15 E mata, e ‵ma latou i mea fakatakalia‵lia ne fai ne latou?
E se ‵ma eiloa latou!
E se iloa foki ne latou o ‵ma!+
Tela la, ka pa‵kū latou i tino kolā ka pa‵kū.
Kafai e aumai ne au te fakasalaga ki a latou ka ‵siga eiloa latou,” ko muna a Ieova.
16 Konei a pati a Ieova ne fai mai:
“‵Tu i maga o auala kae onoono atu.
Fesili atu e uiga ki auala o aso taumua,
Fesili atu me tefea te auala ‵lei, kae sa‵sale atu i ei,+
Kae ke maua se malōlōga mō koutou.”
Kae ne fai mai latou: “A matou ka se sa‵sale i ei.”+
Kae ne fai mai latou: “A matou ka se ‵saga atu ki ei.”+
18 “Tela la, faka‵logo mai e atufenua!
Kae ke iloa ne koutou, e te fakapotopotoga,
A te mea ka tupu ki a latou.
19 Faka‵logo mai, e te lalolagi!
Ka aumai ne au te fakalavelave ki luga i tino konei+
E pelā me ne fuataga o olotou togafiti ma‵sei,
Me ne seki ‵saga mai latou ki aku pati
Kae ne ‵teke ne latou taku tulafono.”*
20 “Se a te mea e fia saga au ki ei māfai e aumai ne koutou a pulu lipano mai Seepa
Mo tolo ma‵galo mai i se koga ‵mao?
A otou taulaga ‵sunu kātoa e se talia ne au,
Kae e se fiafia au ki otou taulaga.”+
21 Kae konei a pati a Ieova ne fai mai:
“Ko fakatoka nei ne au a fatu faka‵siga tino mō tino konei,
Kae ka ‵siga latou i ei,
Ko tamana fakatasi mo olotou tama,
Te tuakoi mo tena taugasoa,
Kae ka ‵mate katoa latou.”+
22 Konei a pati a Ieova ne fai mai:
“Kiloke! Ka o‵mai a tino mai te fenua ki mātū,
Kae ka ‵fagu aka i ei se atufenua lasi mai i toe koga ‵mao o te lalolagi.+
23 Ka puke atu latou ki te kausana mo te tao.
E saua kae e seai se alofa fakamagalo i a latou.
A olotou leo ka ‵gulu e pelā mo te tai,
Kae ‵tele latou i luga i solofanua.+
E fakatoka latou e pelā me se sotia ko taua atu ki a koe, e te tama fafine o Siona.”
24 Ne ‵logo matou i se lipoti e uiga ki ei.
Ko seai se motou malosi;+
Ko maua matou ne te puapuaga,
Ko tigaina e pelā me se fafine ka fai o fanau.+
25 Sa olo ki te vao,
Kae ke mo a ma sa‵sale i te auala,
Me i te fili e isi sena pelu;
E isi ne mea fakama‵taku i koga katoa.
26 E te tama fafine o toku fenua,
Pei ki gatu lautaga+ kae takafilifili i lefu.
Tagi fanoanoa e pelā me tagi ki se tama tagata eiloa e tokotasi, kae tagi pakalaga,+
Me ka oko fakapoi mai a te tino fakamasei ki a tatou.+
27 “Ko oti ne fai ne au koe* e pelā me se mea e tofotofo ki ei a fiti i va o oku tino,
Se tino e fai faka‵lei ana sukesukega;
E ‵tau o iloa ne koe kae sukesuke olotou auala.
E fai latou e pelā me ne kopa mo fiti;
A latou katoa e fai mea piko‵piko.
29 A mea ‵pusi afi ko ‵paku.
Ne ‵to mai ki tua mo te afi a pōlo fiti.
30 Ka taku eiloa latou ne tino ki siliva kolā ko tiakina,
Me ko oti ne tiakina ne Ieova a latou.”+