Hosea
6 “O‵mai, ke toe ‵foki tatou ki a Ieova,
Me ko oti ne saesae likiliki ne ia tatou,+ kae ka faka‵lei aka ne ia tatou.
Ne ta ne ia tatou, kae ka fusi ne ia ‵tou pa‵kiaga.
2 Ka fakaola ne ia tatou mai tua o aso e lua.
I te tolu o aso ka faka‵tu aka ne ia tatou ki luga,
Kae ka ola tatou i ana mua.
3 Ka iloa ne tatou, ka ‵sala malosi tatou ke iloa ne tatou a Ieova.
A tena fano e mautinoa eiloa e pelā mo te vaveao ‵malu;
Ka vau a ia ki a tatou e pelā mo te vaiua ‵lotu,
E pelā mo te vaiua i te tau e ‵somo ei a lau o lakau telā e fakasiusiu ei te laukele.”
4 “Se a taku mea e ‵tau o fai ki a koe, e Efalaima?
Se a taku mea e ‵tau o fai ki a koe, e Iuta?
Me i te otou a‵lofa fakamaoni e pelā eiloa mo kaumana i te vaveao,
E pelā mo te ‵sau telā e galo fakavave atu.
5 Tenā te pogai ka ‵kati ei ne au latou ki lalo e auala i pelofeta;+
Ka tamate ne au latou ki pati i toku gutu.+
Kae ko fakamasinoga e oko ki a koe ka maina e pelā me se mainaga.+
6 Me i a au ne fiafia ki te alofa fakamaoni,* kae e se ko taulaga,
Mo te iloaga e uiga ki te Atua, i lō taulaga ‵sunu kātoa.+
7 Kae ko latou, ne tāgata fua, ne ofa ne latou te feagaiga.+
Ne fakatogafiti ne latou au i konā.
9 A faitaulaga ko pelā me se potukau o tino kai‵soa e ‵nofo fakatalitali o taua atu ki se tagata.
E tamate ne latou a tino i te auala i Sekema,+
Me i olotou faifaiga ne mea fakamasiasi.
10 Ko oti ne lavea ne au se mea fakatakalialia i te kāiga o Isalaelu.
11 E se gata i ei, e Iuta, a te ‵katiga o fuataga ko oti ne fakatoka mō koe,
Māfai ko toe fakamaopoopo mai ne au oku tino kolā ne ave fakapagota.”+