Iona
2 Tenā ne ‵talo atu ei a Iona ki a Ieova tena Atua mai i te tinae o te ika,+ 2 ana muna:
“Mai i toku puapuaga ne kalaga atu au ki a Ieova, kae ne tali mai a ia ki a au.+
Mai i te koga ‵poko* o te Tanuga* ne kalaga atu au mō se fesoasoani.+
Ne lagona ne koe toku leo.
3 I te taimi ne ‵pei ifo ei ne koe au ki koga ‵poko, ki te kogaloto o te tai,
Tenā ne ufi ei au ne te au o te tai.+
Ou galu ‵lasi katoa mo peau ne ‵fati mai ki luga i a au.+
4 Kae ne fai atu au, ‘Ko oti ne ‵tuli kea‵tea au mai i ou mua!
Ka mafai pefea o toe kilo atu au ki luga i tou faletapu ‵malu?’
5 Ne ufi au ne vai kae toeitiiti kae mate atu au;+
Ne galo au i lalo i te vai ‵poko.
Ne ufi toku ulu ne limu.
6 Ne goto ifo au ki lalo i fakavae o mauga.
A lakau faka‵lava o te lalolagi ne ‵pono i luga i a au ki te se-gata-mai.
Kae mai loto i te lua ne avaka ei ne koe toku ola, e Ieova toku Atua.+
7 I te taimi ko gasolo ei o vāivāi toku ola, ne masaua ne au a Ieova te Atua.+
Tenā ne oko atu ei taku ‵talo ki a koe, i loto i tou faletapu ‵malu.+
8 A latou kolā ne tukugina atu ki tupua sē aoga ne tiaki ne latou te māfuaga o te lotou a‵lofa fakamaoni.
9 Kae pelā mo au, ka ofo atu ne au a taulaga fakatasi mo te leo o te fakafetai ki a koe.
A te mea ne tauto au ki ei, ka ‵togi ne au.+
A te fakaolataga e maua mai i a Ieova.”+
10 Fakamuli ifo, ne fakatonu atu a Ieova ki te ika, kae ne luaki ne ia a Iona ki tua i te laukele malō.