Sefanaia
2 Koi tuai o fakagalue te tulafono,
Koi tuai o palele atu te aso e pelā me ne kaiga,
Koi tuai o oko mai te kaitaua o Ieova telā e ‵ka pelā me se afi ki luga i a koutou,+
Koi tuai o oko mai te aso o te kaitaua o Ieova ki luga i a koutou,
3 ‵Sala atu ki a Ieova,+ koutou e tino agamalu* katoa o te lalolagi,
Kolā e tausi ki ana tulafono amio‵tonu.*
‵Sala ki te amiotonu, ‵sala ki te agamalu.*
Kāti* ka ‵funa aka koutou i te aso o te kaitaua o Ieova.+
4 Me i a Kasa ka fai pelā me se fakai e tuku tiaki;
Kae ko Asekelona ka ofa ki lalo.+
5 “Kalofa eiloa i a latou kolā e ‵nofo pili ki te tai, ko te atufenua o tino Keleti!+
A te fekau a Ieova e ‵teke ne ia koutou.
Kanana, te fenua o tino Filisitia, ka fakamasei ne au a koe,
Ko te mea ke seai se tino e ‵toe mai.
6 Kae ko koga pili ki te tai ka fai pelā me ne laukele moukuā,
Fakatasi mo vaikeli mō tausi mamoe mo lulu fatu mō mamoe.
7 Ka fai e pelā me se kogā koga mō tino kolā e ‵toe mai i te kāiga o Iuta;+
Tenā te koga ka ‵kai i ei latou.
I loto i fale o Asekelona ka ta‵kato ei latou ki lalo i te afiafi.
Me i a Ieova te lotou Atua ka saga atu ki a latou,*
Kae ka toe fakamaopoopo mai ne ia olotou tino kolā ne ave fakapagota.”+
8 “Ne lagona ne au a pati fakamasiasi a te kau Moapi+ mo pati faka‵mae loto a tino Amoni,+
Kolā ne fakatauemu ne latou oku tino kae fai‵pati fakamata‵mata e uiga ki te lotou kogā fenua.+
9 Tela la, e pelā eiloa mo au e ola,” ko te folafolaga a Ieova o kautau, te Atua o Isalaelu,
“A Moapi ka fai eiloa e pelā mo Sotoma,+
Kae ko tino Amoni e pelā mo Komolo,+
Se koga o lakau makaikai, se lua masima, mo se koga e tumau i te sē aoga.+
A te ‵toega o oku tino ka kaisoa ne latou olotou mea,
Kae ko te ‵toega o toku fenua ka se puke ma latou.
10 Tenei te mea ka maua ne latou i lō te mea telā e fakamata‵mata latou ki ei,+
Me ne fakatauemu kae fakamaluga ne latou a latou eiloa o ‵teke atu ki tino o Ieova o kautau.
11 Ka fakaofoofogia* te ‵teke atu o Ieova ki a latou;
Me ka fakaseaoga* ne ia a atua katoa o te lalolagi,
Kae ko fenua fo‵liki katoa o te lalolagi ka ifo* ki a ia,+
Ko tino taki tokotasi mai i olotou koga.
12 A koutou e tino Aitiope ka tamate foki e auala i taku pelu.+
13 Ka ‵fola ne ia tena lima ki mātū o fakamasei a Asulia,
Kae ka ofa ne ia a Nineva,+ ke malō pakupaku e pelā me se toafa.
14 Ka ta‵kato fakatasi a lafu manu i loto i a ia, ko vaegā manu valevale o te vao.*
A te pelikane mo te kifota ka ‵moe i te po i luga i ana ulupou.
E isi se leo e usu pese i te famalama.
Ka isi se fakamaseiga i te mataloa;
Me ka tuku faka‵sau atu ne ia ana ‵pui ne fai ki te lakau ko te alasi.
15 Tenei a te fakai fakamatamata telā ne sagasaga mo te tokagamalie,
Telā ne fai ifo i tena loto eiloa, ‘Ko au eiloa, kae seai aka foki se isi tino.’
Ko fai ne ia a ia e pelā me se mea fakamataku,
Se koga mō manu o te vao ke ta‵kato i ei!
So se tino e ui atu i ana tafa ka fakatauemu atu ki a ia kae fakatu atu tena fusu.”+