Malaki

4 “Kiloke! ko oko mai te aso, telā e ‵ka pelā me se ogaumu,+ kae ko tino fakamata‵mata katoa mo latou kolā e fai amioga ma‵sei ka fai pelā me ne kausaito. A te aso tenā ka oko mai kae ka fakaseai atu eiloa latou i ei,” ko muna a Ieova o kautau, “kae ka tiaki atu i ei latou e aunoa mo se aka io me se kaula. 2 Kae ko koutou kolā e fakaaloalo* ki toku igoa, a te la o te amiotonu ka ‵kasa atu ki luga i a koutou, kae ko tena mainaga e maua i ei te faka‵leiga; kae ko koutou ka evaeva e pelā me ne pulumakau puta‵puta.”

3 “Kae ka lakalaka ne koutou ki lalo i otou vae a tino amio ma‵sei, me ka fai latou e pelā me ne ‵pefu i alofivae o otou vae i te aso ka gasuesue ei au,” ko muna a Ieova o kautau.

4 “Ke masaua te Tulafono a taku tavini ko Mose, ko tulafono fo‵liki mo fakamasinoga kolā ne fakatonu atu ne au i Holepa ke faka‵logo ki ei a Isalaelu kātoa.+

5 “Kiloke! Ko uga atu ne au ki a koutou a Elia te pelofeta+ kae koi tuai o oko mai te aso lasi kae fakamataku o Ieova.+ 6 Kae ka ‵fuli ne ia a loto o tamana ki loto o tama‵liki,+ mo loto o tama‵liki ki loto o tamana, ko te mea ke se vau au o ‵ta kae fakaseai atu i ei a te lalolagi.”

(Te gataga o te ‵fuliga o Tusitusiga Epelu-Alamaika, kae ka faka‵soko atu ki Tusitusiga Eleni)