Numela

26 Mai tua o te mala,+ ne fai atu a Ieova ki a Mose mo Eleasalo te tama tagata a Alona te faitaulaga: 2 “Lau aka te fakapotopotoga kātoa o tino Isalaelu mai te 20 tausaga o fano ki luga, i kāiga o olotou tamana, ko latou katoa kolā e mafai o ‵kau ki te kautau a Isalaelu.”+ 3 Tenā ne fai‵pati atu ei a Mose mo Eleasalo+ te faitaulaga ki a latou i te koga laugatasi o Moapi+ i tafa o te Iolitana i Ieliko,+ kae fai atu: 4 “Lau aka a latou katoa mai te 20 tausaga o fano ki luga, e ‵tusa mo te fakatonuga a Ieova ne fai ki a Mose.”+

A tino Isalaelu kolā ne olo kea‵tea mai te fenua o Aikupito ko: 5 Leupena,+ te toekimua a Isalaelu; a tama tāgata a Leupena+ ko: Hanoka telā ne ‵tupu mai i ei a tino Hanoka; ko Palu telā ne ‵tupu mai i ei a tino Palu; 6 ko Eselona telā ne ‵tupu mai i ei a tino Eselona; ko Kami telā ne ‵tupu mai i ei a tino Kami. 7 Konei a kāiga o tino Leupena, kae ko te aofaki o latou kolā ne fakamau olotou igoa e ‵tusa mo te toko 43,730.+

8 A te tama tagata a Palu ko Eliapo. 9 Kae ko tama tāgata a Eliapo ko Nemuelu, Tatano mo Apilamo. A Tatano mo Apilamo konei ko lāua kolā ne filifili ne te fakapotopotoga, kae ne ‵teke atu ki a Mose+ mo Alona fakatasi mo te potukau a Kola+ i te taimi ne ‵teke atu ei latou ki a Ieova.+

10 Tenā ne mavae* ei te laukele kae ne folo i ei a latou. Kae pelā mo Kola ne ‵mate fakatasi a ia mo tino kolā ne ‵lago atu ki a ia i te taimi ne ‵sunu ei a tāgata e toko 250 i te afi.+ Kae ne fai latou e pelā me se fakaakoakoga ke fakaeteete i ei.+ 11 Kae ko tama tāgata a Kola ne seki ‵mate.+

12 A tama tāgata a Simeona+ i olotou kāiga ko: Nemuelu telā ne ‵tupu mai i ei a tino Nemuelu; ko Iamina telā ne ‵tupu mai i ei a tino Iamina; ko Iakini telā ne ‵tupu mai i ei a tino Iakini; 13 ko Tila telā ne ‵tupu mai i ei a tino Tila; ko Saula telā ne ‵tupu mai i ei a tino Saula. 14 Konei a kāiga o tino Simeona: e toko 22,200.+

15 A tama tāgata a Kato+ i olotou kāiga ko: Sefono telā ne ‵tupu mai i ei a tino Sefono; ko Haki telā ne ‵tupu mai i ei a tino Haki; ko Suni telā ne ‵tupu mai i ei a tino Suni; 16 ko Osini telā ne ‵tupu mai i ei a tino Osini; ko Elite telā ne ‵tupu mai i ei a tino Elite; 17 ko Alota telā ne ‵tupu mai i ei a tino Alota; ko Aleli telā ne ‵tupu mai i ei a tino Aleli. 18 Konei a kāiga o tino Kato, kae ko olotou tino kolā ne fakamau olotou igoa e toko 40,500.+

19 A tama tāgata a Iuta+ ko Elu mo Onanu.+ Kae ko Elu mo Onanu ne ‵mate i te fenua o Kanana.+ 20 A tama tāgata a Iuta i olotou kāiga ko: Sela+ telā ne ‵tupu mai i ei a tino Sela; ko Falesa+ telā ne ‵tupu mai i ei a tino Falesa; ko Tila+ telā ne ‵tupu mai i ei a tino Tila. 21 Kae ko tama tāgata a Falesa ko: Eselona+ telā ne ‵tupu mai i ei a tino Eselona; ko Hamula+ telā ne ‵tupu mai i ei a tino Hamula. 22 Konei a kāiga o tino Iuta, kae ko olotou tino kolā ne fakamau olotou igoa e toko 76,500.+

23 A tama tāgata a Isakala+ i olotou kāiga ko: Toula+ telā ne ‵tupu mai i ei a tino Toula; ko Puava telā ne ‵tupu mai i ei a tino Puava; 24 ko Iasupa telā ne ‵tupu mai i ei a tino Iasupa; ko Similona telā ne ‵tupu mai i ei a tino Similona. 25 Konei a kāiga o tino Isakala, kae ko olotou tino kolā ne fakamau olotou igoa e toko 64,300.+

26 A tama tāgata a Sepulona+ i olotou kāiga ko: Seleti telā ne ‵tupu mai i ei a tino Seleti; ko Eloni telā ne ‵tupu mai i ei a tino Eloni; ko Ialeli telā ne ‵tupu mai i ei a tino Ialeli. 27 Konei a kāiga o tino Sepulona, kae ko olotou tino kolā ne fakamau olotou igoa e toko 60,500.+

28 A tama tāgata a Iosefa+ i olotou kāiga ko Manase mo Efalaima.+ 29 A tama tāgata a Manase+ ko: Makila telā ne ‵tupu mai i ei a tino Makila;+ kae ko te tama a Makila ko Kileata;+ kae ko Kileata ne ‵tupu mai i ei a tino Kileata. 30 Konei a tama tāgata a Kileata: ko Iesela telā ne ‵tupu mai i ei a tino Iesela; ko Heleka telā ne ‵tupu mai i ei a tino Heleka; 31 ko Asilielu telā ne ‵tupu mai i ei a tino Asilielu; ko Sekema telā ne ‵tupu mai i ei a tino Sekema; 32 ko Semita telā ne ‵tupu mai i ei a tino Semita; ko Hefa telā ne ‵tupu mai i ei a tino Hefa. 33 Kae ko Selofeata te tama tagata a Hefa e seai ne ana tama tāgata kae ne tama fāfine fua,+ kae ko igoa o tama fāfine a Selofeata+ ko Mahala, Noa, Hokala, Milika mo Tilesa. 34 Konei a kāiga o tino Manase, kae ko olotou tino kolā ne fakamau olotou igoa e toko 52,700.+

35 Konei a tama tāgata a Efalaima+ i olotou kāiga: ko Sutela+ telā ne ‵tupu mai i ei a tino Sutela; ko Pekali telā ne ‵tupu mai i ei a tino Pekali; ko Tahana telā ne ‵tupu mai i ei a tino Tahana. 36 Kae konei a tama tāgata a Sutela: Ko Elana telā ne ‵tupu mai i ei a tino Elana. 37 Konei a kāiga o tama tāgata a Efalaima, kae ko olotou tino kolā ne fakamau olotou igoa e toko 32,500.+ Konei a igoa o tama tāgata a Iosefa i olotou kāiga.

38 A tama tāgata a Peniamina+ i olotou kāiga ko: Pela+ telā ne ‵tupu mai i ei a tino Pela; ko Asapelu telā ne ‵tupu mai i ei a tino Asapelu; ko Ailamu telā ne ‵tupu mai i ei a tino Ailamu; 39 ko Sefufama telā ne ‵tupu mai i ei a tino Sefufama; ko Hufama telā ne ‵tupu mai i ei a tino Hufama. 40 A tama tāgata a Pela ko Ati mo Naamanu:+ ko Ati ne ‵tupu mai i ei a tino Ati; ko Naamanu ne ‵tupu mai i ei a tino Naamanu. 41 Konei a tama tāgata a Peniamina i olotou kāiga, kae ko olotou tino kolā ne fakamau olotou igoa e toko 45,600.+

42 Konei a tama tāgata a Tanu+ i olotou kāiga: ko Suhami telā ne ‵tupu mai i ei a tino Suhami. Konei a kāiga o Tanu i olotou kāiga. 43 A kāiga katoa o tino Suhami kolā ne fakamau olotou igoa e toko 64,400.+

44 A tama tāgata a Asela+ i olotou kāiga ko: Imina telā ne ‵tupu mai i ei a tino Imina; ko Isivi telā ne ‵tupu mai i ei a tino Isivi; ko Pelia telā ne ‵tupu mai i ei a tino Pelia; 45 mai tama tāgata a Pelia: ko Hepela telā ne ‵tupu mai i ei a tino Hepela; ko Malakielu telā ne ‵tupu mai i ei a tino Malakielu. 46 A te igoa o te tama fafine a Asela ko Siela. 47 Konei a kāiga o tama tāgata a Asela kae ko olotou tino kolā ne fakamau olotou igoa e toko 53,400.+

48 A tama tāgata a Nafatali+ i olotou kāiga ko: Iaseeli telā ne ‵tupu mai i ei a tino Iaseeli; ko Kuni telā ne ‵tupu mai i ei a tino Kuni; 49 ko Ieseli telā ne ‵tupu mai i ei a tino Ieseli; ko Silema telā ne ‵tupu mai i ei a tino Silema. 50 Konei a kāiga o Nafatali i olotou kāiga kae ko olotou tino kolā ne fakamau olotou igoa e toko 45,400.+

51 Tenei te aofaki o tino Isalaelu kolā ne fakamau olotou igoa: e toko 601,730.+

52 Oti aka, fai atu ei a Ieova ki a Mose: 53 “E ‵tau o vaevae a te laukele ki a latou konei ke fai mo tofi o latou e ‵tusa mo te fakasologa o olotou igoa.*+ 54 E ‵tau o lasi te tofi e tuku atu ki potukau kolā e tokouke, kae fakafoliki te tofi o potukau kolā e mu‵tana.+ A tofi o potukau takitasi e ‵tau o vaevae e ‵tusa mo te aofaki o tino kolā ne fakamau olotou igoa. 55 Kae e ‵tau o fai te vaevaega tenā mai te faiga o se vili.+ E ‵tau o maua ne latou olotou tofi e ‵tusa mo igoa o olotou matakāiga mai olotou tamana. 56 Ka vaevae eiloa a tofi takitasi mai te faiga o se vili, kae vaevae e ‵tusa mo potukau tokouke mo potukau mu‵tana.”

57 Konei a tino Levi+ kolā ne fakamau olotou igoa i olotou kāiga: ko Kelesona telā ne ‵tupu mai i ei a tino Kelesona; ko Koate+ telā ne ‵tupu mai i ei a tino Koate; ko Melali telā ne ‵tupu mai i ei a tino Melali. 58 Konei a kāiga o tino Levi: ko te kāiga o tino Lipini,+ te kāiga o tino Hepelona,+ te kāiga o tino Mali,+ te kāiga o tino Musi,+ te kāiga o tino Kola.+

A Koate ko te tamana o Amalamo.+ 59 A te igoa o te avaga a Amalamo ko Iokapeta,+ te tama fafine a Levi telā ne fanau ne tena avaga i Aikupito. Kae ne toe fanau ne ia a tama a Amalamo ko Alona, Mose, mo te lā tuagane ko Miliama.+ 60 Kae ko tama a Alona ko Natapu, Apiu, Eleasalo mo Itamala.+ 61 Kae ko Natapu mo Apiu ne ‵mate me ne ofo atu ne lāua se afi telā e seki fakatonu atu ke fa‵ka i mua o Ieova.+

62 A te aofaki o latou kolā ne fakamau olotou igoa e toko 23,000, ko tāgata katoa kolā ko takitasi masina te ma‵tua o fano ki luga.+ E seki fakamau olotou igoa i tino Isalaelu+ me e seai ne tofi o latou e maua i tofi o tino Isalaelu.+

63 Konei a tino ne fakamau olotou igoa ne Mose mo Eleasalo te faitaulaga i te taimi ne fakamau ei ne lāua a tino Isalaelu i te koga laugatasi o Moapi i tafa o te Iolitana i Ieliko. 64 Kae e seai se tino i a latou ne fakamau tena igoa ne Mose mo Alona te faitaulaga i te taimi ne fai ei te lauga o tino Isalaelu i te koga lavaki o Sinai.+ 65 Me ne fai atu a Ieova e uiga ki a latou: “Ka ‵mate eiloa latou i te koga lavaki.”+ Tela la, ne seki ai se tagata ne ‵toe mai i a latou kae na ko Kalepo te tama tagata a Iefune mo Iosua te tama tagata a Nuno.+