Numela

7 I te aso ne palele ei ne fakatu aka ne Mose a te faleie tapu,+ ne fakatapu+ ne ia kae faka‵malu atu foki ki ei, fakatasi mo mea katoa i ei, te fatafaitaulaga mo ana meāfale+ katoa. I te otiga ne fakatapu kae faka‵malu ne ia a mea konei,+ 2 ne ofo atu ne takitaki o Isalaelu,+ ko ulu o kāiga i olotou tamana, se taulaga. A takitaki o matakāiga konei, ko latou kolā ne onoono ki te fakamauga o igoa 3 ne aumai ne latou ki mua o Ieova a te lotou taulaga e ono a kā mo pulumakau e 12, e tasi te kā mō takitaki e tokolua kae tofu te takitaki mo te pulumakau; kae ne ofo atu ne latou a mea konā i mua o te faleie tapu. 4 Muna a Ieova ki a Mose: 5 “Ke talia ne koe a mea konei mai i a latou, me ka fakaaoga a mea konā mo fai te taviniga i te faleie o maopoopoga, kae e ‵tau o tuku atu ne koe ki te kau Levi, ke fakaaoga ne latou taki tokotasi i te faiga o olotou tiute.”

6 Ne talia ne Mose a ka mo pulumakau konā kae ne tuku atu ne ia ki te kau Levi. 7 Ne tuku atu ne ia e lua a ka kae fa pulumakau ki tino Kelesona e ‵tusa mo mea kolā e manakogina i te faiga o olotou tiute;+ 8 kae ne tuku atu ne ia e fa a kā kae valu pulumakau ki tino Melali e ‵tusa mo mea kolā e manakogina i te faiga o olotou tiute, mai lalo i te takitakiga a Itamala te tama tagata a Alona te faitaulaga.+ 9 Kae e seai ne mea ne tuku ne ia ki tino Koate, me e aofia i olotou tiute a te taviniga i te koga tapu,+ kae ne amo ne latou a mea tapu i olotou tuauma.+

10 Ne tuku atu ne takitaki olotou taulaga i te taimi ne fai ei te fakatapuga+ o te fatafaitaulaga, i te aso ne fakatapu ei te mea tenā. I te taimi ne ofo atu ei ne takitaki olotou taulaga i mua o te fatafaitaulaga, 11 ne fai atu a Ieova ki a Mose: “E tokotasi te takitaki i aso takitasi, ka ofo atu ne ia tena taulaga mō te fakatapuga o te fatafaitaulaga.”

12 A te tino ne ofo atu tena taulaga i te aso muamua ko Nasona,+ te tama tagata a Aminatapu, mai te matakāiga o Iuta. 13 A tena taulaga se tīsi siliva e tasi telā e 130 sekela* te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 14 e tasi te ipu* aulo telā e 10 sekela te ‵mafa kae ‵fonu i mea ma‵nogi; 15 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 16 e tasi te tamā kouti mo fai te taulaga mō agasala;+ 17 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Nasona te tama tagata a Aminatapu.+

18 I te lua o aso, ne ofo atu ne Netanelu+ te tama tagata a Siualo, te takitaki o tino Isakala, a tena taulaga. 19 Ne ofo atu ne ia mo fai tena taulaga se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 20 e tasi te ipu aulo telā e 10 sekela te ‵mafa kae ‵fonu i mea ma‵nogi; 21 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 22 e tasi te tamā kouti mo fai te taulaga mō agasala;+ 23 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Netanelu te tama tagata a Siualo.

24 I te tolu o aso, a te takitaki o tino Sepulona, ko Eliapo+ te tama tagata a Helona, 25 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 26 e tasi te ipu aulo telā e 10 sekela te ‵mafa kae ‵fonu i mea ma‵nogi; 27 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 28 e tasi te tamā kouti mo fai te taulaga mō agasala;+ 29 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Eliapo+ te tama tagata a Helona.

30 I te fa o aso, a te takitaki o tino Leupena, ko Elisula+ te tama tagata a Setulo, 31 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 32 e tasi te ipu aulo telā e 10 sekela te ‵mafa kae ‵fonu i mea ma‵nogi; 33 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 34 ke tasi te tamā kouti mo fai te taulaga mō agasala;+ 35 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata, kae lima a tamā mamoe tāgata kolā ko takitasi tausaga te ma‵tua. Tenei te taulaga a Elisula+ te tama tagata a Setulo.

36 I te lima o aso, a te takitaki o tino Simeona, ko Selumielu+ te tama tagata a Sulisatai, 37 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 38 e tasi te ipu aulo telā e 10 sekela te ‵mafa kae ‵fonu i mea ma‵nogi; 39 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 40 e tasi te tamā kouti mo fai te taulaga mō agasala;+ 41 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Selumielu+ te tama tagata a Sulisatai.

42 I te ono o aso, a te takitaki o tino Kato, ko Eliasafo+ te tama tagata a Teuelu, 43 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 44 e tasi te ipu aulo telā e 10 sekela te ‵mafa kae ‵fonu i mea ma‵nogi; 45 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 46 e tasi te tamā kouti mo fai te taulaga mō agasala;+ 47 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Eliasafo+ te tama tagata a Teuelu.

48 I te fitu o aso, a te takitaki o tino Efalaima, ko Elisama+ te tama tagata a Amiuta, 49 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 50 e tasi te ipu aulo telā e 10 sekela te ‵mafa kae ‵fonu i mea ma‵nogi; 51 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 52 e tasi te tamā kouti mo fai te taulaga mō agasala;+ 53 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Elisama+ te tama tagata a Amiuta.

54 I te valu o aso, a te takitaki o tino Manase, ko Kamalielu+ te tama tagata a Petasula, 55 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 56 e tasi te ipu aulo telā e 10 sekela te ‵mafa kae ‵fonu i mea ma‵nogi; 57 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 58 e tasi te tamā kouti mo fai te taulaga mō agasala;+ 59 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Kamalielu+ te tama tagata a Petasula.

60 I te iva o aso, a te takitaki+ o tino Peniamina, ko Apitano+ te tama tagata a Kiteone, 61 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 62 e tasi te ipu aulo telā e 10 sekela te ‵mafa kae ‵fonu i mea ma‵nogi; 63 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 64 e tasi te tamā kouti mo fai te taulaga mō agasala;+ 65 kae mō te taulaga ‵kai fakatasi+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Apitano+ te tama tagata a Kiteone.

66 I te sefulu o aso, a te takitaki o tino Tanu, ko Aiesa+ te tama tagata a Amisatai, 67 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 68 e tasi te ipu aulo telā e 10 sekela te ‵mafa kae ‵fonu i mea ma‵nogi; 69 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 70 e tasi te tamā kouti mo fai te taulaga mō agasala;+ 71 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Aiesa+ te tama tagata a Amisatai.

72 I te 11 o aso, a te takitaki o tino Asela, ko Pagielu+ te tama tagata a Okilani, 73 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 74 e tasi te ipu aulo telā e 10 sekela te ‵mafa kae ‵fonu i mea ma‵nogi; 75 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 76 e tasi te tamā kouti mo fai te taulaga mō agasala;+ 77 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Pagielu+ te tama tagata a Okilani.

78 I te 12 o aso, a te takitaki o tino Nafatali, ko Aila+ te tama tagata a Enanu, 79 ne ofo atu tena taulaga telā se tīsi siliva e tasi telā e 130 sekela te ‵mafa mo te pōla siliva e tasi telā e 70 sekela te ‵mafa e ‵tusa mo te sekela masani o te koga tapu,+ a te avā mea konā e ‵fonu i falaoa ‵mata kae ‵lei kolā ne palu fakatasi mo sinu mo fai te taulaga meakai;+ 80 e tasi te ipu aulo telā e 10 sekela te ‵mafa kae ‵fonu i mea ma‵nogi; 81 e tasi te tamā pulumakau tagata, e tasi te mamoe, kae tasi te tamā mamoe tagata telā ko tasi te tausaga mo fai te taulaga ‵sunu;+ 82 e tasi te tamā kouti mo fai te taulaga mō agasala;+ 83 kae mō te taulaga ‵kai fakatasi,+ e lua pulumakau, e lima mamoe, e lima kouti tāgata kae lima a tamā mamoe tāgata kolā ko takitasi tausaga te ma‵tua. Tenei te taulaga a Aila+ te tama tagata a Enanu.

84 Tenei te taulaga mō te fakatapuga+ o te fatafaitaulaga mai takitaki o tino Isalaelu i te taimi ne fakatapu i ei: e 12 tīsi siliva, e 12 pōla siliva, e 12 ipu aulo;+ 85 a tīsi siliva takitasi e 130 sekela te ‵mafa, kae ko pōla siliva takitasi e 70 sekela te ‵mafa, a siliva katoa o mea konā e 2,400 sekela e ‵tusa mo te sekela masani o te koga tapu;+ 86 a ipu aulo e 12 kolā e ‵fonu i mea ma‵nogi e taki 10 sekela te ‵mafa e ‵tusa mo te sekela masani o te koga tapu, a aulo katoa o ipu konā e 120 sekela. 87 A pulumakau katoa mo fai te taulaga ‵sunu e 12, e 12 a mamoe, e 12 mamoe tāgata kolā ko takitasi tausaga te ma‵tua mo olotou taulaga meakai, kae 12 a tamā kouti mo fai te taulaga mō agasala; 88 kae ko te aofaki kātoa o pulumakau mo fai te taulaga ‵kai fakatasi e ‵tusa mo te 24 pulumakau tāgata, e 60 mamoe, e 60 kouti tāgata kae 60 tamā mamoe tāgata kolā ko takitasi tausaga te ma‵tua. Tenei te taulaga mō te fakatapuga+ o te fatafaitaulaga i te otiga ne fai te fakatapuga.+

89 I so se taimi e ulu atu ei a Mose ki loto i te faleie o maopoopoga o faipati ki te Atua,+ e lagona ne ia te leo e faipati atu ki a ia mai luga i te ‵pono+ o te pusa o te Feagaiga, mai te va o kelupi e lua;+ kae ko te Atua ne faipati atu ki a ia.